Dinamalar

தலிபான்கள் ஒன்றும் இந்தப்பகுதியை ஆளவில்லையே? : கொந்தளிக்கும் சுரேஷ் கோபி பட இயக்குனர்

மலையாளத்தில் பிரபல நடிகரும், தற்போதைய மத்திய இணைய அமைச்சராக பொறுப்பு வகிப்பவருமான சுரேஷ் கோபி நடிப்பில் நீண்ட இடைவெளிக்கு பிறகு உருவாகியுள்ள படம் ஜேஎஸ்கே (ஜானகி Vs ஸ்டேட் ஆப் கேரளா) இந்த படம் இன்று (ஜூன் 27) ரிலீஸ் செய்யப்படுவதாக அறிவிக்கப்பட்டிருந்தது. ஆனால் இந்த படம் சில நாட்களுக்கு முன்பு சென்சாருக்கு அனுப்பப்பட்டு யு/ஏ சான்றிதழும் பெற்ற நிலையில் படத்தின் டைட்டிலில் இடம் பெறும் ஜானகி என்கிற பெயரை நீக்கினால் தான் சென்சார் சான்றிதழ் தர முடியும் என சென்சார் அதிகாரிகள் வலியுறுத்தி உள்ளனராம். ஆனால் அதை எழுத்துப்பூர்வமாக கொடுக்காமல் வாய்மொழியாக கூறியுள்ளனர். படத்தின் பெயரை மாற்ற விரும்பாமல் தற்போது மறு தணிக்கைக்காக ஜேஎஸ்கே படக்குழுவினர் ரிவைசிங் கமிட்டிக்கு இந்த படத்தை அனுப்பி வைத்துள்ளனர்.

இதுகுறித்து படத்தின் இயக்குனர் பிரவீன் நாராயணன் தனது சோசியல் மீடியா பதிவில் கூறும்போது, “இந்த படத்தில் எந்த ஒரு மதத்தின் பெயரையோ கடவுளையோ புண்படுத்தும் விதமாக காட்சிகள் எதுவும் இடம்பெறவில்லை. அப்படி இருந்தால் சென்சாரில் எப்படி எங்களுக்கு எந்த வெட்டும் இல்லாமல் படத்தை திரையிட சம்மதித்திருப்பார்கள். அவர்களுக்கு ஜானகி என்கிற பெயரை பாதிக்கப்பட்ட ஒரு பெண்ணின் பெயராக பட டைட்டிலில் வைக்கக்கூடாது என்பதுதான் எண்ணம். திரைப்படங்களுக்கு கடவுள்களின் பெயர்களை வைக்கக்கூடாது என்று கூறுவதற்கு இங்கே ஒன்றும் தலிபான்கள் ஆட்சி செய்யவில்லையே?” என்று காட்டமாக கேள்வி எழுப்பி உள்ளார்.

• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு
• 
  அக்ஷய் குமாரின் ஹிந்தி படத்தில் கெஸ்ட் ரோலில் நடிக்கும் மோகன்லால்

• 
  அங்கிளான என்னை அண்ணனாக மாற்றிவிட்டார் பஹத் பாசில் ; இயக்குனர் சத்யன் ...
• 
  விநாயகர் சதுர்த்தி கொண்டாட்டத்திற்காக தானாகவே விநாயகர் சிலையை ...
• 
  ஆஸ்கர் போட்டிக்கு தேர்வான மலையாள இயக்குனர் படம்
• 
  ‛வார் - 2' படம் தோல்வி அடைந்ததால் ஜூனியர் என்டிஆரின் அடுத்த படத்தை ...
• 
  டைட்டிலில் என் பெயரையும் சேர்த்து இருக்கலாம் ; நெட்பிளிக்ஸை கிண்டலடித்த ...