Dinamalar

இளையராஜா இசையில் எனது அடுத்த படம் : அல்போன்ஸ் புத்ரன் தகவல்

மலையாளத்தில் நேரம், பிரேமம் எனது இரண்டு படங்களின் மூலம் மிகப்பெரிய அளவில் பிரபலமானவர் இயக்குனர் அல்போன்ஸ் புத்ரன். குறிப்பாக பிரேமம் படம் அவருக்கு தமிழிலும் மிகப்பெரிய அளவில் ரசிகர்களை பெற்று தந்தது. இதற்கிடையே கடந்த வருடம் பிரித்விராஜ், நயன்தாரா நடிப்பில் கோல்டு என்கிற படத்தை இயக்கினார் அல்போன்ஸ் புத்ரன். ஆனால் இந்த படம் ரசிகர்களின் எதிர்பார்ப்பை ஈடு செய்ய தவறியது.

இந்த நிலையில் அடுத்ததாக தமிழில் புதுமுகங்களை வைத்து படம் இயக்கும் வேலைகளில் ஈடுபட்டு வருகிறார் அல்போன்ஸ் புத்ரன். இவர் தனது மூன்று படங்களிலும் இசையமைப்பாளர் ராஜேஷ் முருகேசன் என்பவருடன் தான் தொடர்ந்து பணியாற்றி வந்துள்ளார். ஆனால் இசைஞானி இளையராஜாவின் தீவிர ரசிகரான அல்போன்ஸ் புத்ரன் அவ்வப்போது இளையராஜாவின் இசை குறித்து தனது சோசியல் மீடியா பக்கத்தில் பதிவிடவும் தவறுவதில்லை.

இந்தநிலையில் சமீபத்தில் இளையராஜாவை சந்தித்ததாக கூறியுள்ள அல்போன்ஸ் புத்ரன், ஏற்கனவே இரண்டு முறை அவரை சந்தித்தபோது புகைப்படம் எடுத்துக்கொள்ள தவறியதால் இந்த முறை மறக்காமல் புகைப்படம் எடுத்துக் கொண்டதாக கூறி அதை தனது சோசியல் மீடியா பக்கத்தில். வெளியிட்டுள்ளார். அதுமட்டுமல்ல தற்போது, தான் பணியாற்றி வரும் படத்தை முடித்தபின் அதற்கு அடுத்த படத்தில் நிச்சயமாக இளையராஜாவின் இசையில் இணைந்து பணியாற்றுவேன் என்றும் கூறியுள்ளார் அல்போன்ஸ் புத்ரன்.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  நெட்பிளிக்ஸ் முடிவு : அதிர்ச்சியில் தென்னிந்திய திரையுலகம்
• 
  விமலின் மகாசேனா படம் டிசம்பர் 12ல் திரைக்கு வருகிறது
• 
  பராசக்தி பட டப்பிங்கில் அதர்வா
• 
  கோவா சர்வதேச பட விழாவில் அமரன் : சிவகார்த்திகேயன் நெகிழ்ச்சி
• 
  ப்ரோ கோட் டைட்டில் விவகாரம் : நீதிமன்ற விசாரணையில் ரவி மோகனுக்கு சாதகம்