Dinamalar

இந்தியன் 2 படத்தில் பணியாற்ற இணைந்த ஷங்கரின் மூன்று சிஷ்யர்கள்

ஷங்கர் இயக்கத்தில் கமல் நடிப்பில் கடந்த 1995இல் வெளியாகி மிகப்பெரிய வெற்றியை பெற்ற படம் இந்தியன். படம் வெளியாகி கிட்டத்தட்ட 25 வருடங்கள் கழிந்த நிலையில் இரண்டு வருடங்களுக்கு முன்பு இந்த படத்தின் இரண்டாம் பாகம் இந்தியன் 2 என்கிற பெயரில் ஆரம்பிக்கப்பட்டது. படப்பிடிப்பில் விபத்து, கொரோனா தாக்கம் உள்ளிட்ட சில காரணங்களால் இந்தப்படத்தின் படப்பிடிப்பு சில நாட்கள் நடைபெற்ற நிலையில் நிறுத்தி வைக்கப்பட்டது. அதைத் தொடர்ந்து ஷங்கர் ராம்சரண் நடிக்கும் படத்தை தெலுங்கில் இயக்கி வருகிறார். பின்னர் நடந்த சுமூகமான பேச்சுவார்த்தைக்கு பின் மீண்டும் படப்பிடிப்பு துவங்கியது.

இந்த நிலையில் கமல் நடித்த விக்ரம் படம் மிகப்பெரிய வெற்றி பெற்றதால் சூட்டோடு சூடாக இந்தியன் 2 படப்பிடிப்பையும் மீண்டும் துவங்கியுள்ளார் ஷங்கர். ஒரே நேரத்தில் இரண்டு படங்களின் படப்பிடிப்பு மாறி மாறி நடைபெறும் என்பதையும் அவர் ஏற்கனவே அறிவித்துள்ளார்.

அந்தவகையில் ஷங்கருக்கு உதவியாக இந்தியன் 2 படம் முழுவதும் அவருக்கு உறுதுணையாக பணியாற்றும் விதமாக அவருடைய மூன்று சீடர்களான இயக்குனர்கள் வசந்தபாலன், அறிவழகன், சிம்புதேவன் ஆகியோர் ஷங்கருடன் இணைந்துள்ளனர் என்று தகவல் வெளியாகி உள்ளது. இதில் வசந்தபாலன் இந்தியன் படம் எடுக்கப்பட்ட சமயத்திலேயே இயக்குனர் சங்கரிடம் உதவி இயக்குனராக பணியாற்றியவர் என்பது குறிப்பிடத்தக்கது.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  வரி ஏய்ப்பு : நாகார்ஜுனா, வெங்கடேஷ் குடும்ப ஸ்டுடியோக்களுக்கு நோட்டீஸ்
• 
  ஜனநாயகன் - தெலுங்கு வியாபாரம் முடிவு
• 
  தெலுங்கில் ரீரிலீசாகும் 'பையா' : மீண்டும் பார்க்க கார்த்தி ஆர்வம்
• 
  யு டியுப் சேனல்கள், சமூக வலைத்தளங்கள் இளையராஜா புகைப்படங்களை பயன்படுத்த ...
• 
  கஞ்சா வழக்கு : சிம்பு பட தயாரிப்பாளர் கைது