Dinamalar

இந்தியன் 3 - எதிர்பார்த்த வியாபாரம் நடக்குமா?

இந்தியத் திரையுலகத்தில் அதிகம் எதிர்பார்க்கப்பட்ட பான் இந்தியா படங்களாக ஷங்கர் இயக்கிய 'இந்தியன் 2, கேம் சேஞ்ஜர்' ஆகிய படங்கள் இருந்தன. கடந்த வருடம் தமிழில் வெளிவந்த 'இந்தியன் 2' படம் , தெலுஙகில் பொங்கலை முன்னிட்டு வெளிவந்த 'கேம் சேஞ்ஜர்' படம், இரண்டுமே தலா 400 கோடி செலவில் தயாரான படங்கள் என்று சொல்லப்பட்டது. இரண்டு படங்களும் சொல்லி வைத்தாற் போல் 200 கோடி மட்டுமே வசூலித்தது. இரண்டு படங்களும் குறைந்தபட்சம் 200 கோடி நஷ்டத்தைத் தந்திருக்கலாம் என பாக்ஸ் ஆபீஸ் வட்டாரங்கள் தெரிவிக்கின்றன.

'இந்தியன் 2' படம் தயாரான போதே கூடுதலான காட்சிகள் வந்ததால் படத்தின் மூன்றாவது பாகத்தையும் வெளியிட திட்டமிட்டார்கள். இதனிடையே 'இந்தியன் 2' படமும் தோல்வியடைந்து, 'கேம் சேஞ்ஜர்' படமும் தோல்வியடைந்ததால் 'இந்தியன் 3' படத்திற்கு வியாபார சிக்கல் வரும் என்று எதிர்பார்க்கப்படுகிறது.

ஷங்கர் என்ற 'பிராண்ட் நேம்' இந்த இரண்டு படங்களில் மவுசு குறைந்துவிட்டது. அதனால், 'இந்தியன் 3' படத்தை வாங்க வினியோகஸ்தர்கள் ஆர்வம் காட்ட மாட்டார்கள் என்று பேச்சு எழுந்துள்ளது. மேலும், 'இந்தியன் 3' படத்தை முடிக்க இன்னும் சில பல கோடிகள் செலவு செய்தாக வேண்டுமாம். அமெரிக்காவிலிருந்து கமல்ஹாசன் திரும்பிய பிறகே 'இந்தியன் 3' பற்றிய அடுத்த கட்ட நடவடிக்கை என்ன என்பது தெரிய வரும்.

• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...
• 
  சர்ச்சைக்குரிய காட்சிகளை நீக்க தணிக்கை வாரியம் உத்தரவு: ‛பூலே' ...
• 
  புதிய காதலியுடன் விழாவில் ஆமீர்கான்
• 
  'ரெய்டு-2' படத்தில் தமன்னாவின் 'நாஷா' கிளாமர் பாடல் வெளியீடு!

• 
  இறந்து போனவர்களை ஏன் பாட வைக்க வேண்டும்? ஹாரிஸ் ஜெயராஜ் கேள்வி
• 
  தமிழகத்தில் மட்டும் 100 கோடி வசூலை கடந்த 'குட் பேட் அக்லி'
• 
  தமன்னா பற்றிய பகிர்வு: மீண்டும் சர்ச்சையில் ஊர்வசி ரத்தேலா
• 
  குட் பேட் அக்லி வெற்றி எதிரொலி! ஆதிக் ரவிச்சந்திரனுக்கு அஜித் கொடுத்த ...
• 
  விஜய்யின் 'சச்சின்' படத்தின் டிரைலர் வெளியானது! ஏப்ரல் 18ல் ரீரிலீஸ்!