Dinamalar

அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்

ஹாலிவுட்டில் அடுத்து மிகவும் எதிர்பார்க்கப்படும் படம் 'ஜூடோபியா 2'. இந்த படத்தில் போலீஸ் கேரக்டராக வரும் ஜூடி ஹாப்ஸி க்கு பாலிவுட் நடிகை ஷ்ரத்தா கபூர் ஹிந்தியில் டப்பிங் பேசி உள்ளார். வருகிற 28ம் தேதி படம் வெளிவருகிறது. ஆங்கிலத்துடன், ஹிந்தி, தமிழ், தெலுங்கு மொழிகளிலும் வெளியாகிறது.

புகழ்பெற்ற ஜூடி ஹாப்ஸ் கேரக்டருக்கு டப்பிங் பேசியிருப்பது குறித்து ஷ்ரத்தா கபூர் கூறும்போது "ஜூடி ஹாப்ஸ் கதாபாத்திரத்திற்கும் எனக்கும் நிறைய ஒற்றுமைகள் உள்ளன. அவள் தன் நிலையில் உறுதியாக இருந்ததை நிச்சயமாக என்னால் புரிந்து கொள்ள முடியும். அவள் அதிகாரம் மிக்கவள், தேவைப்படும் தருணத்தில் மென்மையாகவும் இருப்பாள். ஜூடியாக இருந்தது மகிழ்ச்சி.

அனிமேஷன் கதாபாத்திரத்திற்கு குரல் கொடுத்தது மிகவும் வித்தியாசமான அனுபவம். வேடிக்கையாகவும் கூலாகவும் இருக்கும் கதாபாத்திரத்திற்கு நான் குரல் கொடுத்தது சுவாரஸ்யமாக இருந்தது. அவளுக்குப் பொருந்தும்படி என் குரலை மாற்றியமைக்க வேண்டியிருந்தது. அவள் கோபம், வேடிக்கை என எல்லாவற்றையும் கவனித்து அதற்கேற்ப குரல் கொடுத்தேன். உண்மையிலேயே அந்தக் கதாபாத்திரத்தின் குரலாக இருக்க வேண்டும் என்று விரும்பி அதையே செய்தேன்" என்றார்.

• 
  இறுதிக்கட்ட படப்பிடிப்பில் நூறுசாமி
• 
  இயக்குனர் சொன்னதை கேட்டு உடல் நடுங்கி விட்டது : ஐஸ்வர்யா ராஜேஷ்
• 
  ஹாலிவுட் சண்டை கலைஞர்களுடன் பணியாற்றும் கீர்த்தி சுரேஷ்
• 
  பிளாஷ்பேக்: மனோரமாவை பார்த்து மிரண்டு ஓடிய தெலுங்கு நடிகைகள்
• 
  பிளாஷ்பேக்: 11 வயதில் பின்னணி பாடகியான ஏ.பி.கோமளா

• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?
• 
  பிரதமர் மோடியின் அம்மா வேடத்தில் நடிக்கும் ரவீனா டாண்டன்
• 
  நலமாக இருக்கிறேன் : மருத்துவமனையிலிருந்து வீடு திரும்பினார் கோவிந்தா
• 
  நலமுடன் வீடு திரும்பினார் தர்மேந்திரா
• 
  சோஷியல் மீடியாவில் திடீரென வைரலான 'கிரிஜா ஓக் காட்போலி'