Dinamalar

சித்தார்த் மல்ஹோத்ராவை தமிழுக்கு வரவேற்கும் ராஷ்மிகா

ஹிந்தியில் கரண் ஜோஹர் தயாரிப்பில் சமீபத்தில் வெளியான ஷெர்சா திரைப்படம் மிகப்பெரிய வெற்றியை பெற்றது. பாலிவுட் நடிகர் சித்தார்த் மல்ஹோத்ரா இந்த படத்தின் கதாநாயகனாக நடித்திருந்தார். இதில் ஆச்சரியம் என்னவென்றால் இந்த படத்தை இயக்கியவர் நம் தமிழ் பட இயக்குனரான விஷ்ணுவர்தன் தான். ஷெர்சா படம் மூலம் மொழி தாண்டிய ரசிகர்களையும் பெற்றுள்ளார் சித்தார்த் மல்ஹோத்ரா. அந்த வகையில் அவருக்கும் தமிழ் சினிமாவில் நடிக்கும் ஆர்வம் இருப்பதாக தெரிகிறது.

சமீபத்தில் தமிழ் ரசிகர் ஒருவர் சித்தார்த் மல்ஹோத்ராவின் டுவிட்டர் பக்கத்தில், தான் அவருடைய மிகப்பெரிய ரசிகர் என்றும் அவர் தமிழ் படங்களிலும் நடிக்க வேண்டும் என்கிற தனது ஆர்வத்தையும் தெரிவித்திருந்தார். இதற்கு பதிலளித்த சித்தார்த் மல்ஹோத்ரா, நிச்சயமாக நடிப்பேன் என கூறியிருந்தார். அதேசமயம் சித்தார்த் மல்கோத்ராவின் இந்த பதிலை ரீ-டுவீட் செய்துள்ள நடிகை ராஷ்மிகா மந்தனா, விரைவில் நாம் சந்திப்போம் என்று குறிப்பிட்டுள்ளார். தற்போது பாலிவுட்டில் முதன்முதலாக அடியெடுத்து வைத்துள்ள ராஷ்மிகா மந்தனா, மிஷன் மஜ்னு என்கிற படத்தில் சித்தார்த் மல்ஹோத்ரா ஜோடியாக நடித்துள்ளார் என்பது குறிப்பிடத்தக்கது.

• 
  'பராசக்தி' படத்தின் டப்பிங்கை தொடங்கிய சிவகார்த்திகேயன்!
• 
  'தேரே இஷ்க் மே, ரிவால்வர் ரீட்டா' படங்களின் முதல் நாள் வசூல் எவ்வளவு?
• 
  'ரூட்' படத்தின் டப்பிங் முடித்த கவுதம் ராம் கார்த்திக்!
• 
  'ஜீனி' படத்தின் புதிய அப்டேட் இதோ!
• 
  பைசன் படத்தை பாராட்டிய பிரபல இந்திய கிரிக்கெட் வீரர்!

• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...
• 
  கணவர் மீது புகார் அளித்துள்ள செலினா ஜெட்லி