மனைவியை விட்டுச் செல்பவன் நல்ல மனிதன் அல்ல - குஷ்பு பதிவு வைரல் | ஹேமா கமிட்டி ஒரு ‛கேம் சேஞ்சர்' : சம்யுக்தா மேனன் | நடிகை பார்வதி நாயர் மீது வழக்குப்பதிவு: எதற்காக தெரியுமா? | தேவரா 1 - ஆறு காட்சிகள், கூடுதல் கட்டண உயர்வு - அரசு ஆணை | ‛குட் பேட் அக்லி' படத்தில் இணைந்த அர்ஜுன் தாஸ் | 100வது நாளில் விஜய் சேதுபதியின் 'மகாராஜா' | விஜய் சேதுபதி வெப் தொடரில் ஜாக்கி ஷெராப், யோகி பாபு | கொரியன் படத்துக்கு இவ்வளவு கூட்டமா? | அமிதாப் பச்சனுக்கு குரல் கொடுத்த பிரகாஷ் ராஜ் | ‛தக் லைப்' படப்பிடிப்பு நிறைவு : சாட்டிலைட் பிசினஸ் எவ்வளவு தெரியுமா...? |
விஜய் இயக்கத்தில், கங்கனா ரணவத், அரவிந்த்சாமி மற்றும் பலர் நடித்துள்ள படம் 'தலைவி'. மறைந்த முதலமைச்சர், நடிகை ஜெயலலிதாவின் வாழ்க்கை வரலாற்றுப் படமாக இப்படம் உருவாகி உள்ளது.
இப்படத்தை செப்டம்பர் 10ம் தேதி தியேட்டர்களில் வெளியிடுவதாக தயாரிப்பு நிறுவனம் அறிவித்திருந்தது. அதே சமயம் படத்தை இரண்டு வாரங்களுக்குப் பிறகு ஓடிடி தளங்களில் வெளியிடுவதற்கான உரிமையையும் விற்றிருந்தார்கள். அது பற்றி தெரிய வந்ததும் படத்தைத் தியேட்டர்களில் திரையிட மாட்டோம் என்று தியேட்டர்காரர்கள் தெரிவித்தனர்.
நான்கு வாரங்களுக்குப் பிறகே படங்களை ஓடிடி தளங்களில் வெளியிட வேண்டும் என்பதை மீறி இரண்டு வாரங்களில் கொடுத்ததற்கு எதிர்ப்பு எழுந்தது. இது தொடர்பாக நேற்று முதல் பேச்சு வார்த்தை நடந்து வந்தது. தற்போது பேச்சு வார்த்தை முடிவடைந்துள்ளதாம். படத்தை நான்கு வாரங்களுக்குப் பிறகு ஓடிடி தளத்தில் வெளியிட மாற்றத்தைச் செய்கிறோம் என தயாரிப்பு நிறுவனம் கூறியுள்ளதாம். எனவே, படம் தியேட்டர்களில் வெளியாகும் என்று எதிர்பார்க்கப்படுகிறது.