Dinamalar

தலைவி திட்டமிட்டபடி வெளியாகுமா ?

மறைந்த முன்னாள் முதலமைச்சர் ஜெயலலிதாவின் வாழ்க்கை வரலாற்றுப் படம் தலைவி. விஜய் இயக்கத்தில் கங்கனா ரணவத், அரவிந்த்சாமி, பிரகாஷ்ராஜ் மற்றும் பலர் இப்படத்தில் நடித்துள்ளார்கள்.

நேற்று ஜெயலலிதாவின் பிறந்தநாளை முன்னிட்டு இப்படத்தின் வெளியீட்டுத் தேதியை அறிவித்தார்கள். ஏப்ரல் 23ம் தேதியன்று இப்படம் வெளியாக உள்ளது.

ஆனால், படம் திட்டமிட்டபடி வெளியாகுமா என்ற சந்தேகமும் உள்ளது. தமிழ்நாட்டில் விரைவில் சட்டமன்றத் தேர்தல் நடைபெற உள்ளது. அதற்கான அறிவிப்பு எந்த நேரமும் வெளியாகலாம் எனத் தெரிகிறது.

தேர்தல் ஏப்ரல் மாதக் கடைசியிலோ அல்லது மே மாதம் முதல் வாரத்திலோ நடக்கலாம் என தகவல்கள் தெரிவிக்கின்றன.

தலைவி படம் வெளியாகும் ஏப்ரல் 23ம் தேதிக்கு முன்பாக நடந்தால் எந்தவிதமான சர்ச்சையும் எழ வாய்ப்பில்லை. ஆனால், அதற்குப் பிறகு தேர்தல் தேதி இருந்தால் எதிர்க்கட்சிகள் இதை சர்ச்சையாக்க வாய்ப்புள்ளது.

படம் வெளிவந்தால் அது அதிமுக கட்சிக்கு ஒரு மறைமுக பிரச்சாரமாகவும் அமையலாம். எனவே, மற்ற கட்சிகள் பட வெளியீட்டிற்குத் தடை கோரவும் செய்யலாம்.

இதற்கு முன்பும் தேர்தல் காலங்களில் இப்படி அரசியல் தலைவர்களின் படங்கள் வெளியான போது அவற்றிற்கு தடை விதித்த வரலாறும் இருப்பதால் தலைவி வெளியாவது திட்டமிட்டபடி நடக்குமா என்பது சந்தேகம் என்கிறது கோலிவுட் வட்டாரம்.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  ‛‛2 ஆயிரம் சம்பளம் கேட்டேன், 4 லட்சம் கொடுத்தார் நட்டி'': சிங்கம்புலி ...
• 
  கன்னடத்தில் அதிக வசூல் படங்கள் : இரண்டாம் இடம் பிடித்த 'காந்தாரா சாப்டர் ...
• 
  அடுத்தடுத்து வெளியாகும் கவின் படங்களின் அப்டேட்
• 
  கன்னட பிக்பாஸ் அரங்கு 'சீல்' வைக்கப்பட்டது - அரசு நடவடிக்கை
• 
  பிளாஷ்பேக்: இயக்குநர் துரையின் கலைப்பசிக்கு தீனி போட்ட காவியத் ...