Dinamalar

வைக்கப்பட்ட சீல் அகற்ற துணை முதல்வர் உத்தரவு, 'கன்னட பிக் பாஸ்' தொடர்கிறது…

கன்னட நடிகர் கிச்சா சுதீப் தொகுத்து வழங்கும் 'கன்னட பிக்பாஸ் சீசன் 12' நிகழ்ச்சிக்கு திடீரென சிக்கல் வந்தது. அந்த நிகழ்ச்சிக்காக 5 கோடி ரூபாய் செலவு செய்து பெங்களூருவில் உள்ள ஜாலிவுட் ஸ்டுடியோவில் அரங்கம் அமைக்கப்பட்டது. அந்த ஸ்டுடியோவில் சுற்றுச்சூழல் விதிகளை மீறியதாக கர்நாடக மாசுக் கட்டுப்பாட்டு வாரியம் சீல் வைத்தது.

இதைத் தொடர்ந்து பிக்பாஸ் போட்டியாளர்கள் அங்கிருந்து ஒரு ரிசார்ட்டுக்கு மாற்றப்பட்டார்கள். இந்த விவகாரம் கன்னடத் திரையுலகத்திலும், டிவி வட்டாரங்களிலும் பரபரப்பாகப் பேசப்பட்டது.

தற்போது வைக்கப்பட்ட சீல்-ஐ அகற்றுமாறு கர்நாடக மாநில துணை முதல்வர் டி.கே.சிவக்குமார் தெரிவித்துள்ளார். இது குறித்து எக்ஸ் தளத்தில், “நான் பெங்களூரு தெற்கு மாவட்ட துணை ஆணையரை, பிக்பாஸ் கன்னட படப்பிடிப்பு நடைபெறும் ஜாலிவுட் வளாகத்தின் சீலை அகற்ற உத்தரவிட்டுள்ளேன்.

சுற்றுச்சூழல் இணக்கம் முதன்மை முன்னுரிமையாக இருந்தாலும், கர்நாடக மாநில மாசுக் கட்டுப்பாட்டு வாரியத்தால் அமைக்கப்பட்ட விதிமுறைகளின்படி மீறல்களை சரி செய்ய ஸ்டுடியோவுக்கு நேரம் வழங்கப்படும். சுற்றுச்சூழல் பாதுகாப்பில் நமது பொறுப்பை உறுதிப்படுத்தியவாறு, கன்னட பொழுதுபோக்கு தொழிலை ஆதரிப்பதில் உறுதியாக இருக்கிறேன்,” என்று குறிப்பிட்டுள்ளார்.

அவரது கருத்துக்கு ஆதரவும் எதிர்ப்பும் எழுந்துள்ளது. கர்நாடக மாநில சுற்றுச்சூழல் நலனை விட பிக்பாஸ் நிகழ்ச்சி முக்கியத்துவம் வாய்ந்த ஒன்றா என்றும் சிலர் கேள்வி எழுப்புகிறார்கள்.

பிக்பாஸ் நிகழ்ச்சியின் தொகுப்பாளரான நடிகர் சுதீப், துணை முதல்வருக்கு தனது நன்றியைத் தெரிவித்துள்ளார்.

“சரியான நேரத்தில் ஆதரவு அளித்த துணை முதல்அமைச்சர் அவர்களுக்கு எனது மனமார்ந்த நன்றி. மேலும், சமீபத்திய குழப்பங்கள் அல்லது இடையூறுகளில் 'கன்னட பிக்பாஸ்' ஈடுபடவில்லை, அல்லது பங்கு கொள்ளவில்லை என்பதை அங்கீகரித்த சம்பந்தப்பட்ட அதிகாரிகளுக்கு நன்றி தெரிவிக்க விரும்புகிறேன்.

எனது அழைப்புக்கு உடனடியாக பதிலளித்த துணை முதல்வரை நான் உண்மையாகப் பாராட்டுகிறேன், மற்றும் அவரது அர்ப்பணிப்பு முயற்சிகளுக்கு நன்றி தெரிவிக்கிறேன். 'கன்னட பிக் பாஸ் 12, இங்கேயே இருக்கும்,” என்று குறிப்பிட்டுள்ளார்.

• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  திருமணம் செய்து கொள்ளாமல் இரட்டை குழந்தை பெற்றெடுத்த நடிகை பாவனா ரமண்ணா!
• 
  அடூர் கோபாலகிருஷ்ணன் படத்தில் நடிக்காததால் தான் மோகன்லால் சூப்பர் ...
• 
  துல்கர் சல்மான் கார் பறிமுதல் விவகாரம் ; சுங்கத்துறைக்கு நீதிமன்றம் ...
• 
  இந்திய ராணுவ தலைமை தளபதி ஜெனரலை சந்தித்த மோகன்லால்
• 
  காந்தாரா கிராமத்தில் குடியேறுகிறார் ரிஷப் ஷெட்டி