Dinamalar

'தக் லைப்' படத்தில் இடம் பெற்ற 'அமானுஷ்யன்' நாவலின் சில பகுதிகள்

மணிரத்னம் இயக்கத்தில் கடந்த வாரம் வெளிவந்த 'தக் லைப்' படத்தின் திரைக்கதையை, மணிரத்னம், படத்தின் நாயகன் கமல்ஹாசன் இருவரும் இணைந்து எழுதியிருக்கிறார்கள். இந்தப் படத்தின் கதை குறித்தும், திரைக்கதை குறித்தும் சில கடுமையான விமர்சனங்கள் வெளிவந்தன.

தமிழ் சினிமாவில் இதற்கு முன்பு வெளிவந்த சில படங்களின் சாயல் படத்தில் இருந்ததாகவும் கூட சிலர் விமர்சித்திருந்தார்கள். 'நாயகன்' படத்திற்குப் பிறகு பல ஆண்டுகள் இடைவெளியில் கூட்டணி சேர்ந்தவர்கள் அந்தப் படம் போல இல்லை என்றாலும் அதற்கு நெருக்கமான ஒரு படத்தைக் கொடுத்திருக்கலாம் என்ற உணர்வு பலருக்கும் இருந்தது.

இதனிடையே, இந்தப் படத்தில் இடம் பெற்ற இடைவேளைக்கு முந்தைய சில காட்சிகளும், பிந்தைய சில காட்சிகளும் என்.கணேசன் என்பவர் எழுதிய 'அமானுஷ்யன்' என்ற நாவலில் இடம் பெற்ற ஆரம்ப அத்தியாயங்கள் போல இருப்பதாக கோலிவுட்டில் கிசுகிசுக்கிறார்கள். அவர்கள் சொன்னது சரியா என அந்த நாவலைத் தேடிப் பிடித்து ஆரம்ப அத்தியாயங்களை மட்டும் படித்தால் அவற்றை அப்படியே படத்தில் காட்சிகளாக வைத்திருக்கிறார்கள். நாவலில் இருக்கும் வசனம் படத்தில் குறைக்கப்பட்டு விஷுவலாகக் காட்டப்பட்டுள்ளது.

இன்னும் சில நாட்கள் போன பிறகோ அல்லது இந்த செய்தியைப் படித்த பிறகோ இன்னும் சிலர் அது போன்ற 'தழுவல், காப்பி' விஷயங்களைப் பேச வாய்ப்புண்டு.

• 
  பாலிவுட்டின் மூத்த நடிகை காமினி கவுசல் காலமானார்
• 
  அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்
• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?
• 
  பிரதமர் மோடியின் அம்மா வேடத்தில் நடிக்கும் ரவீனா டாண்டன்
• 
  நலமாக இருக்கிறேன் : மருத்துவமனையிலிருந்து வீடு திரும்பினார் கோவிந்தா

• 
  காந்தா படத்தின் முதல் நாள் வசூல் விவரம் : அதிகாரப்பூர்வ அறிவிப்பு
• 
  ரஜினி படத்திலிருந்து சுந்தர் சி விலகல் ஏன் : கமல் சொன்ன பதில்
• 
  சித்தார்த், ராஷி கண்ணா இணையயும் 'ரெளடி அண்ட் கோ'
• 
  பிளாஷ்பேக் : சொந்த வாழ்க்கை கதையில் நடித்த சுதா சந்திரன்
• 
  பிளாஷ்பேக் : பத்மினி சகோதரிகள் போல், நாட்டியத்தில் ஜொலித்த சாயி சகோதரிகள்