Dinamalar

பாகுபலி கதாசிரியரின் அறிவுறுத்தலின்படி கண்ணப்பாவில் மீண்டும் சேர்க்கப்பட்ட மோகன்லால் கதாபாத்திரம்

கடந்த வருடம் தெலுங்கு திரையுலகில் இருந்து வரலாற்று மற்றும் புராண படங்கள் சில வெளியாகி வரவேற்பு பெற்றன. அந்த வகையில் இந்த வருடத்தில் மிகவும் எதிர்பார்க்கப்படும் படமாக உருவாகி வருகிறது ‛கண்ணப்பா'. நடிகர் விஷ்ணு மஞ்சு தயாரித்து நடித்துள்ள இந்த படத்தை முகேஷ் குமார் சிங் என்பவர் இயக்கியுள்ளார். பாகுபலி கதாசிரியர் விஜயந்திர பிரசாந்த் இந்த கதையில் மிக முக்கிய பங்காற்றி உள்ளார். அது மட்டுமல்ல மோகன்லால், அக்ஷய் குமார், பிரபாஸ் உள்ளிட்ட பலரும் இந்த படத்தில் முக்கியமான சில கதாபாத்திரங்களில் நடித்துள்ளார்கள் என்பதாலும் இந்த படத்தின் மீதான எதிர்பார்ப்பு அதிகரித்துள்ளது.

கடந்த சில மாதங்களுக்கு முன்பு இந்த படத்தில் மோகன்லால் நடிக்கும் கிராதா என்கிற கதாபாத்திரம் மற்றும் அவரது தோற்றம் குறித்த போஸ்டர் வெளியாகி ஆச்சரியத்தை ஏற்படுத்தியது. இந்த நிலையில் நாயகன் விஷ்ணு மஞ்சு மோகன்லாலின் கதாபாத்திரம் குறித்து கூறும்போது, “படத்தில் மோகன்லாலின் அறிமுக காட்சியே இரண்டு நிமிடம் இடம்பெற இருக்கிறது. அந்த காட்சியில் தியேட்டரே அதிரப்போவது நிச்சயம். ரசிகர்கள் எதிர்பாராத விதமாக இருக்கும்” என்று கூறியுள்ளார்.

மேலும் இந்த கதாபாத்திரம் குறித்து அவர் கூறும்போது, “நாங்கள் இந்த கதையை எழுதியபோது ஒரு கதாபாத்திரம் தேவை இல்லை என்று அதை நீக்கி விட்டோம். பிறகு பாகுபலி கதாசிரியர் விஜயேந்திர பிரசாத்திடம் இந்த கதை குறித்து நாங்கள் பேசியபோது, நீக்கிய அந்த கதாபாத்திரம் குறித்தும் நாங்கள் கூறினோம். அப்போது அவர் எதற்காக அந்த கதாபாத்திரத்தை நீக்கினீர்கள். கதைக்கு அந்த கதாபாத்திரம் இருந்தால் தான் ஒரு தெளிவு கிடைக்கும் என்று அதன் முக்கியத்துவத்தை கூறினார். அப்போதுதான் எங்கள் முடிவு தவறு என உணர்ந்தோம். அதன் பிறகு அந்த கதாபாத்திரத்தை மீண்டும் படத்தில் இணைத்தோம். அதுதான் மோகன்லாலின் கிராதா கதாபாத்திரம்” என்று கூறியுள்ளார்.

• 
  இன்ஸ்டாகிராமில் அனைத்து பதிவுகளையும் மொத்தமாக நீக்கிய ரன்வீர் சிங் ; ...
• 
  ராஜமவுலி படம் மூலம் இந்திய திரையுலகிற்கு திரும்புவது உற்சாகம் : ...
• 
  7500 தியேட்டர்களில் வெளியாகும் வார் 2
• 
  பிரியதர்ஷன், அக்ஷய் குமார் படத்தில் விலகிய நடிகர் மீண்டும் இணைந்தார்
• 
  தீபிகாவிற்கு கிடைத்த கவுரவம் : 2026 ‛‛ஹாலிவுட் வாக் ஆப் பேம்'' -விற்கு ...

• 
  காமெடி நடிகரின் சிறுநீரக மாற்று அறுவை சிகிச்சைக்கு 50 லட்சம் தர பிரபாஸ் ...
• 
  'தொடரும்' கெட்டப்பில் புரோமோ வீடியோவுடன் பிக்பாஸ் சீசன் 7 அறிவிப்பை ...
• 
  இயக்குனர் ரஞ்சித் மீதான பாலியல் குற்றச்சாட்டு வழக்கை தள்ளுபடி செய்த ...
• 
  என் படத்திற்கு ‛ஜானகி' டைட்டிலை அனுமதித்த சென்சார், சுரேஷ்கோபி படத்தை ...
• 
  மார்கோ 2 நிச்சயம் உருவாகும் : உன்னி முகுந்தன் விலகிய பிறகும் உறுதியாக ...