Dinamalar

துருவ் நடிக்கும் உண்மைக் கதை : மணத்தி கணேசன் யார் தெரியுமா?

மாரி செல்வராஜ் இயக்கத்தில் நடிகர் விக்ரம் மகன் துருவ் விக்ரம் நடிக்கும் “பைசன் காளமடான்” படம் அக்டோபர் 17, அதாவது தீபாவளி கொண்டாட்டமாக வெளியாவதாக அறிவிக்கப்பட்டுள்ளது. இதில் அனுபமா பரமேஸ்வரன், லால், பசுபதி, மற்றும் ரஜிஷா விஜயன் ஆகியோர் முக்கிய கதாப்பாத்திரங்களில் நடித்துள்ளனர். துணிவும் தைரியமும் நிறைந்த ஒரு விளையாட்டு வீரனின், ஆழமான கதையை சொல்ல வருகிறது என்று படக்குழு சிம்பிளாக கதை பற்றி கூறியுள்ளது.

உண்மையில் இது தென்மாவட்டத்தை சேர்ந்த ஒரு கபடி வீரரின் கதை. அந்த வீரரின் பெயர் கணேசன். இவர் துாத்துக்குடி மாவட்டம் மணத்தி என்ற ஊரை சேர்ந்தவர். மிகவும் கஷ்டப்பட்டு, நிறைய போராடி கபடி வீரர் ஆனார். பின்னர், தேசிய, ஆசிய அளவில் கபடி போட்டியில் பங்கு பெற்று பல வெற்றிகளை பெற்றவர். மின்வாரியத்தில் அவருக்கு வேலை கிடைத்தது. இந்திய அரசு மணத்தி கணேசனுக்கு அர்ஜூனா விருது வழங்கி கவுரப்படுத்தியது.

பைசன் படத்தில் சின்ன வயது மணத்தி கணேசனாக துருவ் நடிக்கிறார். சில மாதங்களாக துருவ்வுக்கு தென் மாவட்டத்தில் மணத்தி கணேசனே கபடி பயிற்சி அளித்து இருக்கிறார். சில ஆண்டுகளுக்கு முன்பு துாத்துக்குடி மாவட்டம் வெள்ளப் பாதிப்பில் தத்தளித்தபோது, அந்த ஏரியா எம்பியான கனிமொழியிடம் மணத்தி கணேசன் உதவி கேட்டு பீல் பண்ணி வீடியோவும் அப்போது வைரலானது குறிப்பிடத்தக்கது.

• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்
• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு

• 
  தனுஷ் 54வது படத்தின் படப்பிடிப்பு நிறைவு.. தயாரிப்பாளர் தகவல்!
• 
  விஷாலுக்கு ஜோடியாக இரண்டு நாயகிகள்!
• 
  பிரேம் குமார், பஹத் பாசில் படம்... "இன்னொரு ஆவேசம்" தயாரிப்பாளர் தந்த ...
• 
  அருள்நிதி, முத்தையா கூட்டணியில் ‛ராம்போ'.. புதிய பட அறிவிப்பு!
• 
  ‛ஜனநாயகன்' படத்தின் முதல் பாடல் வெளியீட்டை தள்ளி வைக்கும் விஜய்!