Dinamalar

நேரம் சோதிக்கிறது… : வருத்தத்தில் சிலம்பரசன்

தமிழ் சினிமாவில் பல வித திறமைகளைக் கொண்ட நடிகர்களில் ஒருவர் சிலம்பரசன். நடிப்பது மட்டுமல்லாமல் இசையமைப்பது, பாடல் எழுதுவது, பாடுவது என பல விஷயங்களை அறிந்தவர். 18 வருடங்களுக்கு முன்பே 'வல்லவன்' படத்தையும் இயக்கிவிட்டார். ஆனால், வேறு சில நடிகர்களுக்குக் கிடைக்கும் சிறந்த வாய்ப்பும், பிரபலமும், விளம்பரமும் அவருக்குக் கிடைக்கவில்லை.

தற்போது மணிரத்னம் இயக்கத்தில் 'தக் லைப்' படத்தில் நடித்து முடித்துள்ளார். சிம்புவின் 48வது படத்தை கமல்ஹாசனின் ராஜ்கமல் பிலிம்ஸ் நிறுவனம் தயாரிப்பதாக கடந்த வருடம் பிப்ரவரி 3ம் தேதி அதிகாரப்பூர்வ அறிவிப்பு வெளியானது. அதோடு படம் பற்றிய அடுத்த அப்டேட் எதுவும் வரவில்லை. அப்படத் தயாரிப்பிலிருந்து கமல் பின் வாங்கிவிட்டார் என்று செய்திகள் வெளிவந்தன.

'கண்ணும் கண்ணும் கொள்ளையடித்தால்' படத்தை இயக்கிய தேசிங்கு பெரியசாமி தான் அப்படத்தின் இயக்குனர். அதன்பின் புதிய தயாரிப்பாளரை சிம்புவும், தேசிங்குவும் சேர்ந்தே தேடி வருகிறார்களாம். சரித்திரக் கதை என்பதால் படத்தின் பட்ஜெட்டும் அதிகம். அதனால்தான் கமல் விலகியதாக ஒரு தகவல்.

இதனிடையே சிம்புவுடன் இருக்கும் புகைப்படம் ஒன்றை தேசிங்கு பெரியசாமி நேற்று எக்ஸ் தளத்தில் பகிர்ந்திருந்தார். அதை மறுபதிவு செய்து, “உண்மையில் மதிப்புள்ளதை நேரம் சோதிக்கிறது,” எனக் குறிப்பிட்டுள்ளார்.

தயாரிப்பாளர் கிடைக்க தாமதமாவது குறித்துத்தான் சிம்பு அப்படி பதிவிட்டுள்ளார் எனத் தெரிகிறது.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  கார்த்தி நடிக்கும் ‛வா வாத்தியார்' ரிலீஸ் தேதி அறிவிப்பு
• 
  தமிழகம் பக்கமே வரலை... ஆனாலும் தமிழில் ஹிட்
• 
  பக்தி மயத்தில் கோலிவுட் பார்ட்டிகள்
• 
  ‛‛2 ஆயிரம் சம்பளம் கேட்டேன், 4 லட்சம் கொடுத்தார் நட்டி'': சிங்கம்புலி ...
• 
  கன்னடத்தில் அதிக வசூல் படங்கள் : இரண்டாம் இடம் பிடித்த 'காந்தாரா சாப்டர் ...