ரஜினியை தொடர்ந்து ஜூனியர் என்டிஆரை இயக்கும் நெல்சன் | 23 ஆண்டுகளுக்குப் பிறகு மீண்டும் ஹரி இயக்கத்தில் நடிக்கும் பிரசாந்த் | பார்க்கிங் மோதல் விவகாரம் : தர்ஷனுக்கு ஆதரவாக குரல் கொடுத்த சனம் ஷெட்டி! | 'இட்லி கடை' தள்ளிப் போக இதுதான் காரணமா ? | பிருத்விராஜிற்கு வருமான வரித்துறை நோட்டீஸ் | எம்புரான் தயாரிப்பாளர் கோகுலம் நிறுவனத்தில் ரூ.1.5 கோடி பறிமுதல் | மலையாளத்தில் வசூல் நம்பர் 1 இடத்தைப் பிடித்த 'எல் 2 எம்புரான்' | சினிமா டிக்கெட் : உள்ளாட்சி கேளிக்கை வரி குறைக்க அரசு முடிவு ? | கூலி, இட்லி கடை - ஏட்டிக்குப் போட்டியான அறிவிப்பா? | ஆண்கள் மட்டும்தான் லுங்கி அணிய வேண்டுமா ? |
நடிகர் கமல்ஹாசன் தொகுத்து வழங்கிய 'பிக் பாஸ்' நிகழ்ச்சி கடந்த 7 சீசன்களாக ஒளிபரப்பாகி வந்தது. ஆனால், இந்த வருடம் நடக்க வேண்டிய 8வது சீசனைத் தொகுத்து வழங்கப் போவதில்லை என அவர் ஏற்கெனவே அறிவித்துவிட்டார். அவருக்குப் பதிலாக யார் அந்த நிகழ்ச்சியைத் தொகுத்து வழங்கப் போகிறார் என அதன் பின் பல பெயர்கள் அடிபட்டது.
நடிகர் விஜய் சேதுபதி தான் தொகுத்து வழங்கப் போகிறார் என தகவல் வந்துள்ளது. அது பற்றிய அதிகாரப்பூர்வ அறிவிப்பு இன்று மாலை வெளியாகும் என விஜய் டிவி அறிவித்துள்ளது. கமல்ஹாசன் தொகுத்து வழங்கிய வரையில் அந்த நிகழ்ச்சிக்கென ஒரு வரவேற்பு இருந்தது. அவருக்குப் பதிலாக வர உள்ளவர் அதே அளவு வரவேற்பைப் பெற்றால் மட்டுமே நிகழ்ச்சி ரசிகர்களிடம் சேரும். அது எப்படி இருக்கப்போகிறது என்பது நிகழ்ச்சி ஒளிபரப்பான பின்புதான் தெரியும்.
அதை ஈடுகட்ட சில பரபரப்பான போட்டியாளர்கள், சர்ச்சையான போட்டியாளர்களை பங்கேற்க வைத்து 'பிக் பாஸ்' குழுவினர் சமாளிக்கவும் வாய்ப்புள்ளது.
தெலுங்கில் 8வது சீசன் செப்டம்பர் 1ம் தேதி முதல் ஆரம்பமாகியுள்ளது. தொடர்ந்து இந்த சீசனையும் நடிகர் நாகார்ஜுனா தான் தொகுத்து வழங்குகிறார். தமிழில் பிக் பாஸ் சீசன் 8 அக்டோபர் முதல் ஒளிபரப்பாகலாம்.