Dinamalar

2024 கோடை விடுமுறையில் வெளியாகுமா 'இந்தியன் 2'?

ஷங்கர் இயக்கத்தில், கமல்ஹாசன், மனிஷா கொய்ராலா, ஊர்மிளா மடோன்கர், கவுண்டமணி, செந்தில் மற்றும் பலர் நடிப்பில் 1996ல் வெளிவந்த படம் 'இந்தியன்'. அப்படத்தின் இரண்டாம் பாகம் கமல்ஹாசன், சித்தார்த், காஜல் அகர்வால், ரகுல் ப்ரீத் சிங், பிரியா பவானி சங்கர் மற்றும் பலர் நடிக்க 2019ம் ஆண்டு படப்பிடிப்பு ஆரம்பமானது. பல்வேறு தடைகளுக்குப் பிறகு படம் முடியும் நிலைக்கு வந்துள்ளது.

இப்படத்திற்கான டப்பிங்கை கமல்ஹாசன் பேச ஆரம்பித்துள்ளார் என நேற்று வீடியோவுடன் கூடிய அறிவிப்பை வெளியிட்டுள்ளார்கள். கமல்ஹாசன் ரசிகர்கள் கடந்த நான்கு வருடங்களுக்கும் மேலாகவே இப்படம் எப்போது வரும் என்று காத்துக் கொண்டிருக்கிறார்கள். படத்தின் கதாநாயகன் டப்பிங் பேச ஆரம்பித்துவிட்டால் அந்தப் படம் ஏறக்குறை வெளியீட்டிற்கத் தயாராகிவிட்டது என்றுதான் அர்த்தம். இதற்குப் பிறகு பின்னணி இசை, இதர வேலைகள் நடந்தால் படம் முடிந்துவிடும். அடுத்த நான்கைந்து மாதங்களுக்கு அந்த வேலைகள் நடக்கலாம்.

எனவே, 2024 கோடை விடுமுறையில் 'இந்தியன் 2' வெளியாகும் என்று எதிர்பார்க்கப்படுகிறது.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  மத்திய அமைச்சர் ராஜ்நாத் சிங்கை சந்தித்து வாழ்த்து பெற்ற அமரன் ...
• 
  எனக்கு கடவுள் நம்பிக்கை அதிகம் - ராஷி கண்ணா
• 
  சூர்யா 45 படத்தில் ‛லப்பர் பந்து' நடிகை
• 
  சிவராஜ் குமாருக்கு பதிலாக விஷால்
• 
  விஜய் மகன் இயக்கும் படத்தில் சந்தீப் கிஷன் : அதிகாரப்பூர்வ அறிவிப்பு