Dinamalar

விவசாயத்துடன் அரசியலும் பேச போகிறதா.... : கமல் - வினோத் படம் அதிகாரப்பூர்வ அறிவிப்பு

விக்ரம் படத்தின் வெற்றிக்கு பின் கமலின் அடுத்தடுத்த படங்களின் பற்றிய அறிவிப்புகள் ஒவ்வொன்றும் எதிர்பார்ப்பை ஏற்படுத்தி வருகிறது. அந்தவகையில் தற்போது ஷங்கரின் இந்தியன் 2 படத்தில் நடித்து வரும் கமல், அடுத்து பிரபாஸ் உடன் புரொஜெக்ட் கே படத்தில் முக்கிய வேடத்தில் நடிக்க போகிறார். இதுதவிர மணிரத்னம் உடன் ஒரு படம் பண்ண போகிறார். வினோத் இயக்கத்தில் கமல் நடிப்பதாக ஏற்கனவே தகவல்கள் வந்த நிலையில் இப்போது அதிகாரப்பூர்வமாக இவர்கள் இணையும் அறிவிப்பு வெளியாகி உள்ளது.

கமலின் 233வது படமாக உருவாக உள்ள இதை கமலின் ராஜ்கமல் பிலிம்ஸ் நிறுவனமே தயாரிக்கிறது. விவசாயம் தொடர்பான கதையில் இவர்களின் படம் இருக்கலாம் என கூறப்பட்ட நிலையில் தற்போது படம் பற்றிய அறிவிப்பை ஒரு வீடியோவாக வெளியிட்டுள்ளனர். அதில் மிரட்டும் பின்னணி இசையுடன் கமல் கையில் தீப்பந்தம் ஏந்தியபடி இருக்க, பின்னணியில் சிவப்பு வண்ணம் நிறைந்து உள்ளன. மேலும் படத்தின் தலைப்புக்கு கீழ் 'Rise to rule' என்ற வாசகமும் இடம் பெற்றுள்ளது. இதை வைத்து பார்க்கையில் இந்த படம் விவசாயத்துடன் அரசியல் தொடர்பான கதைக்களத்திலும் இருக்கலாம் என எதிர்பார்க்கப்படுகிறது.

மற்ற நடிகர்கள் மற்றும் தொழில்நுட்ப கலைஞர்கள் பற்றிய அறிவிப்பு அடுத்தடுத்து வெளியாக உள்ளது. இந்தியன் 2 மற்றும் பிரபாஸ் படங்களின் படப்பிடிப்பு முடிந்ததும் இந்த படத்தின் படப்பிடிப்பில் கமல் பங்கேற்க உள்ளார்.

• 
  புஷ்பா 2, ஸ்த்ரீ 2-க்குப் பிறகு சாதனை வசூலில் 'சாவா'
• 
  இந்த வாரம் 'ராமாயணா' படப்பிடிப்பில் கலந்து கொள்ளும் யஷ்!
• 
  ஊர்மிளாவுக்கு 50 வயது மாதிரியா தெரிகிறது… !!
• 
  பிராமணர்கள் குறித்து அவதுாறு கருத்து: மன்னிப்பு கேட்டார் 'மஹாராஜா' ...
• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...

• 
  சூர்யா 46வது படத்தின் பணி துவங்கியது
• 
  கன்னட சினிமாவில் அறிமுகமாகும் பூஜா ஹெக்டே
• 
  மூன்று நாட்களில் விஜய்யின் 'சச்சின்' படம் செய்த வசூல் சாதனை!
• 
  மஹாராஷ்டிரா கோலாப்பூரில் உள்ள மகாலஷ்மி கோவிலில் சாமி தரிசனம் செய்த ...
• 
  உங்களை நீங்களே பாராட்டிக் கொள்ளுங்கள்! - ரோஜா பூ உடன் ராஷ்மிகா வெளியிட்ட ...