Dinamalar

பாலிவுட் நடிகர் விக்ரம் கோகலே மறைவு : கமல் இரங்கல்

பாலிவுட் திரையுலகின் பிரபல குணச்சித்திர நடிகர் விக்ரம் கோகலே நேற்று காலமானார். கடந்த நவம்பர் 5ம் தேதி உடல் நலக்குறைவால் பாதிக்கப்பட்டு புனேயில் உள்ள மருத்துவமனையில் சிகிச்சைக்காக சேர்க்கப்பட்டிருந்த நிலையில் சிகிச்சை பலனின்றி மரணத்தை தழுவினார். இவருக்கு வயது 78.

கடந்த 1979 முதல் சினிமா மற்றும் தொலைக்காட்சி என இரண்டிலும் ஒரு நடிகராக மிகப்பெரிய பங்களிப்பை தந்துள்ள இவர் நூற்றுக்கும் மேற்பட்ட திரைப்படங்களில் நடித்துள்ளார். தமிழில் கமல் நடித்த ஆளவந்தான் மற்றும் ஹேராம் என இரண்டு படங்களில் நடித்துள்ளார் விக்ரம் கோகலே. இவரது மறைவுக்கு பாலிவுட் திரையுலகத்தை சேர்ந்த பலரும் இரங்கல் தெரிவித்து வரும் நிலையில், நடிகர் கமலும் தனது இரங்கலை தெரிவித்துள்ளார்.

இது பற்றி அவர் குறிப்பிட்டுள்ள இரங்கல் செய்தியில், “மேடையில் தொடங்கி, திரையில் தன் நடிப்புக்கலையை நிலை நிறுத்தியவர் விக்ரம் கோகலே. ஆளவந்தான், ஹேராம் சந்தர்ப்பங்களில் அவரது திறனை ரசித்திருக்கிறேன். உடல்நலிவால் மருத்துவமனைக்கு சென்ற இந்த மாதத்தின் தொடக்கத்திலும் அவரது படம் வெளியாகும் அளவு நடிப்பை நேசித்தவர். அவருக்கு என் அஞ்சலி” என கூறியுள்ளார் கமல்.

• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்
• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!

• 
  குட் பேட் அக்லி டிரைலர் வெளியானது : நிச்சயம் அஜித் ரசிகர்களுக்கு ...
• 
  ஆக.,14ல் 'கூலி' ரிலீஸ்: அதிகாரப்பூர்வ அறிவிப்பு
• 
  ஜிவி பிரகாஷ், சைந்தவி விவாகரத்து வழக்கு: செப்.25ல் நேரில் ஆஜராக உத்தரவு
• 
  சத்யராஜ், காளி வெங்கட் இணைந்து நடிக்கும் 'மெட்ராஸ் மேட்னி'
• 
  மே மாதத்தோடு விஜய்யின் 'ஜனநாயகன்' படப்பிடிப்பு முடிவடைகிறது!