Dinamalar

விஜய் 66 படத்தில் இணைந்த பிரபலங்கள்

நடிகர் விஜய் தற்போது முதன்முறையாக நேரடியாக தெலுங்கு திரைப்படம் ஒன்றில் நடித்து வருகிறார். கதாநாயகியாக ராஷ்மிகா மந்தனா நடிக்கும் இந்த படத்தை முன்னணி இயக்குனரான வம்சி பைடிப்பள்ளி இயக்கி வருகிறார். இந்த படம் தெலுங்கில் உருவானாலும் கூட தமிழ் ரசிகர்களுக்கும் எந்த வித்தியாசமும் தெரியாத வகையில் உருவாக்க வேண்டுமென, தமிழ் நடிகர்களான சரத்குமார், ஷாம், பிரகாஷ்ராஜ், யோகிபாபு என பார்த்து பார்த்து தேர்வு செய்து இந்த படத்தில் நடிக்க வைத்து வருகிறார் இயக்குனர் வம்சி பைடிப்பள்ளி.

இந்த நிலையில் இந்த படத்தில் முக்கிய கதாபாத்திரத்தில் நடிப்பதற்காக இணைந்துள்ளார் நடிகர் பிரபு. இதற்கான அதிகாரப்பூர்வ அறிவிப்பை பட தயாரிப்பு நிறுவனம் தற்போது வெளியிட்டுள்ளது. தெறி படத்தை தொடர்ந்து இந்தப்படத்தில் விஜய்யுடன் மீண்டும் இணைந்து நடிக்கிறார் பிரபு.

பிரபுவை பொருத்தவரை கடந்த 2010க்குப்பின் தெலுங்கில் ஒரு முக்கிய குணசித்திர நடிகர் ஆகவே மாறிவிட்டார். ஆனாலும் கடந்த 2013ல் வெளியான ஓங்கோல் கீதா என்கிற தெலுங்கு படத்தில் நடித்த பிரபு, அதன்பிறகு கிட்டத்தட்ட ஒன்பது வருட இடைவெளிக்கு பிறகு மீண்டும் தெலுங்கில் நடிக்கிறார் என்பது குறிப்பிடத்தக்கது.

இதேப்போல் இந்த படத்தில் சரத்குமார், பிரகாஷ் ராஜ் நடிப்பது பற்றிய அறிவிப்பையும் படக்குழு வெளியிட்டுள்ளனர். மேலும் நடிகை ஜெயசுதாவும் இந்த படத்தில் முக்கிய வேடத்தில் நடிக்க உள்ளார். இதற்கான அறிவிப்பையும் படக்குழு வெளியிட்டுள்ளனர்.

• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...

• 
  சித்தார்த் அப்படிப்பட்டவர் இல்லை! - கார்த்திக் ஜி கிரிஷ்
• 
  மலையாளத்தில் அறிமுகமாகும் துஷாரா விஜயன்!
• 
  குந்தனை நினைவுக்கூர்ந்த தனுஷ்
• 
  திரையுலக பயணம் 33 ஆண்டுகள் நிறைவு: டிச.4ல் வெளியாகிறது 'ஜனநாயகன்' ...
• 
  'பராசக்தி' படத்தின் டப்பிங்கை தொடங்கிய சிவகார்த்திகேயன்!