மோகன்லாலின் மரைக்கார் ரிலீஸ் தேதி அறிவிப்பு

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

மோகன்லாலின் மரைக்கார் ரிலீஸ் தேதி அறிவிப்பு

03 ஜன, 2021 - 07:34 IST

எழுத்தின் அளவு:

மலையாளத்தில் பிரியதர்ஷன் இயக்கத்தில் மோகன்லால் நடித்துள்ள பிரம்மாண்டமான வரலாற்று படம் 'மரைக்கார் ; அரபிக்கடலின்டே சிம்ஹம்'. 16ஆம் நூற்றாண்டில் வாழ்ந்த கேரள கடற்படை தலைவனான குஞ்சாலி மரைக்காயர் என்பவரின் வீரதீர சாகச வரலாறாக இந்தப்படம் உருவாகியுள்ளது. இதில் மரைக்காயர் கதாபாத்திரத்தில் மோகன்லால் நடித்துள்ளார்.

மேலும் அர்ஜுன், சுனில் ஷெட்டி, பிரபு, மஞ்சு வாரியர், பிரணவ் மோகன்லால், கீர்த்தி சுரேஷ், கல்யாணி பிரியதர்ஷன், அசோக்செல்வன், சுகாசினி உள்ளிட்ட பல பிரபல நட்சத்திரங்கள் இதில் நடித்துள்ளனர். இந்த படம் வரும் மார்ச் 26-ஆம் தேதி ரிலீஸாக இருக்கிறது என தற்போது அதிகாரப்பூர்வ அறிவிப்பு வெளியாகி உள்ளது. இதில் ஆச்சர்யம் என்னவென்றால் கடந்த வருடமே தயாராகிவிட்ட இந்தப்படம் கடந்த மார்ச்-26ஆம் தேதியிலேயே ரிலீஸாகும் என அறிவிக்கப்பட்டது.

ஆனால் சரியாக அந்த சமயத்தில் இருந்துதான் இந்தியாவில் கொரோனா தாக்கம் காரணமாக ஊரடங்கு உத்தரவு அமலுக்கு வந்தது. அதை தொடர்ந்து, சில மாதங்கள் கழித்து, ஒடிடியில் இந்தப்படத்தை வெளியிடும் வாய்ப்புகள் தேடி வந்தது. இருந்தாலும் தியேட்டர்களில் தான் இந்தப்படத்தை ரசிகர்கள் முழுமையாக பார்த்து ரசிக்க முடியும் என ரிலீஸ் தேதியை தள்ளி வைத்திருந்தனர். வரும் மார்ச் மாதத்திற்குள் தியேட்டர்களில் நூறு சதவீத பார்வையாளர்களுக்கு அனுமதி கிடைத்துவிடும் என்கிற நம்பிக்கையில் இந்தப்படத்தின் ரிலீஸ் தேதியை தற்போது அறிவித்துள்ளனர் என்றே தெரிகிறது.

Mohanlal

கருத்துகள் (0) கருத்தைப் பதிவு செய்ய

ஜன-.,5 முதல் கேரளாவில் தியேட்டர்களை ...

பிப்ரவரியில் ஆரம்பமாகும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய