Dinamalar

மோகன்லால் நடித்த கதாபாத்திரத்தில் நடித்திருக்கும் வடிவேலு

மாரி செல்வராஜ் இயக்கத்தில் வெளியான மாமன்னன் படத்தில் முதல் முறையாக நடிகர் வடிவேலு முழு நீள குணச்சித்திர கதாபாத்திரத்தில் நடித்திருந்தார். அந்த படத்தில் வடிவேலு மற்றும் பஹத் பாசில் இருவரின் கூட்டணி மிகப்பெரிய அளவில் ஒர்க் அவுட் ஆனது. இந்த காம்போவுக்கு மிகப்பெரிய ரசிகர் வட்டமே உருவானது. அதை சரியாக பயன்படுத்திக் கொள்ளும் விதமாக இயக்குனர் சுதீஷ் சங்கர் இவர்களை வைத்து மாரீசன் என்கிற படத்தை இயக்கி முடித்து விட்டார், வரும் ஜூலை 24ம் தேதி இந்த படம் வெளியாக இருக்கிறது.

தற்போது இந்த படத்தின் டிரைலர் வெளியாகி உள்ளது. இதில் பஹத் பாசில் திருடனாகவும் வடிவேலுவிடம் இருந்து பணத்தை அபகரிக்க முயற்சி செய்வதாகவும் காட்சிகள் இடம் பெற்றுள்ளன. அதேசமயம் வடிவேலு இந்த படத்தில் அல்சீமர் என்கிற ஞாபகமறதி நோயால் பாதிக்கப்பட்ட ஒரு கதாபாத்திரத்தில் நடித்துள்ளார். சாதாரண ஞாபக மறதியாக இல்லாமல் கொஞ்சம் கொஞ்சமாக தனது அன்றாட செயல்பாடுகளையே மறக்க கூடிய ஒரு நோய் தான் இந்த அல்சீமர்.

இப்படி ஒரு கதாபாத்திரத்தில் கடந்த 20 வருடங்களுக்கு முன்பு மலையாளத்தில் வெளியான தன்மாத்ரா என்கிற படத்தில் நடிகர் மோகன்லால் அற்புதமாக நடித்திருந்தார். அதன்பிறகு இந்த நோயால் பாதிக்கப்பட்ட கதாபாத்திரங்களை வைத்து பெரிய அளவில் படங்கள் வெளியாகவில்லை. இந்த அல்சீமரால் பாதிக்கப்பட கதாபாத்திரத்திலும் மாமன்னன் போலவே ரசிகர்களின் கவனத்தை வடிவேலு ஈர்ப்பார் என நிச்சயமாக எதிர்பார்க்கலாம்.

• 
  ஒரு டஜன் வாழைப்பழம் மட்டும் சம்பளமாக பெற்றுக்கொண்டு நடித்த கோவிந்தா
• 
  அரிய நோயால் பாதிக்கப்பட்டுள்ள பூமி பட்னேகர்
• 
  தீபிகா படுகோனேவின் குரல் இனி மெட்டா ஏஐ-யில் ஒலிக்கும்
• 
  மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய ...
• 
  'மகாபாரதம்' தொடரில் கர்ணனாக நடித்த நடிகர் பங்கஜ் தீர் காலமானார்

• 
  சூர்யா பட இயக்குனருடன் இணையும் விஜய் தேவரகொண்டா
• 
  எந்த நிலையிலும் உமக்கு மரணமில்லை : கண்ணதாசனை புகழ்ந்த கமல்
• 
  நான் ஒரு கிளீன் ஸ்லேட் : மமிதா பைஜு
• 
  ‛அரசன்' புரொமோ பயராக உள்ளது : அனிருத்திற்கு சிம்பு பாராட்டு
• 
  ‛ரெட்ட தல' படத்தின் கதைக்கரு இதுதான் : இயக்குனர் தகவல்