Dinamalar

வில்லன் நடிகரின் துக்கத்தை பப்ளிசிட்டிக்கு பயன்படுத்துகிறதா படக்குழு?

பிரபல மலையாள நடிகர் ஷைன் டாம் சாக்கோ. பெரும்பாலும் வில்லன் கதாபாத்திரங்களில் நடித்து வரும் இவர் ஒரு சில படங்களில் கதையின் நாயகனாகவும் நடித்து வருகிறார். சமீபத்தில் இவர் தனது குடும்பத்துடன் தனது சிகிச்சைக்காக பெங்களூருக்கு சென்றபோது இவர்களது கார் தர்மபுரி அருகே விபத்தில் சிக்கி அவரது தந்தை சம்பவ இடத்திலேயே பலியானார். கடந்த மூன்று தினங்களுக்கு முன் இந்த விபத்து நடந்தாலும் நேற்று முன்தினம் தான் அவரது தந்தையின் இறுதிச் சடங்கு நடைபெற்றது. ஷைன் டாம் சாக்கோவும் அவரது தாயாரும் மருத்துவமனையில் சிகிச்சை பெற்று வருகின்றனர்.

இந்த நிலையில் அவர் கதையின் நாயகனாக நடித்துள்ள 'தி புரொடக்டர்' என்கிற படம் வரும் ஜூன் 13ம் தேதி வெளியிட திட்டமிடப்பட்டுள்ளது. இந்த படத்தின் டீசர் தற்போது வெளியாகி உள்ளது. இயக்குனர் ஜி.எம் மனு என்பவர் இந்த படத்தை இயக்கியுள்ளார். இந்த படத்தின் ரிலீஸ் தேதி இதற்கு முன்பாக அதிகாரப்பூர்வமாக அறிவிக்கப்படாத நிலையில் இப்படி திடீரென ஜூன் 13ம் தேதி அறிவிக்கப்பட்டுள்ளது ஆச்சரியத்தை தருகிறது.

குறிப்பாக ஷைன் டாம் சாக்கோ வீட்டில் நடைபெற்றுள்ள துக்க நிகழ்வு கடந்த சில நாட்களாகவே கேரளாவில் அனைவரிடமும் கவனம் பெற்றுள்ளதால் இதை ஒரு பப்ளிசிட்டியாக பயன்படுத்தி இந்த படத்தை உடனடியாக ரிலீஸ் செய்ய படக்குழுவினர் திட்டமிட்டுள்ளார்கள் என்றே சொல்லப்படுகிறது. இப்படி ஒரு நடிகர் துக்கத்தில் இருக்கும்போது அதை பப்ளிசிட்டிக்கு பயன்படுத்தலாமா என்று நெட்டிசன்கள் பலரும் தங்களது விமர்சனங்களை வெளிப்படுத்தி வருகின்றனர்.

• 
  வெப் தொடரான கார்கில் போர்
• 
  மகேஷ்பாபுவின் கிண்டலுக்கு பிரியங்கா சோப்ரா பதில்
• 
  இன்றைய ரசிகர்கள் எப்போதும் இல்லாத அளவுக்கு புத்திசாலிகளாக உள்ளனர் : யாமி ...
• 
  நிகழ்ச்சிக்கு தாமதமாக வந்த மாதுரி தீக்ஷித் : கோபத்தில் வெளியேறிய ...
• 
  சாமியாரான பாலிவுட் நடிகை

• 
  தெலுங்கிலும் இன்று வெளியான பிரணவ் மோகன்லால் ஹாரர் படம்
• 
  பிரித்விராஜின் விலாயத் புத்தா ரிலீஸ் தேதி அறிவிப்பு
• 
  மீண்டும் ஒரு ராணுவ படத்திற்காக இணையும் மோகன்லால்-மேஜர் ரவி கூட்டணி
• 
  ஹிந்தியில் படம் தயாரிக்கும் நடிகர் ராணா
• 
  கேரள அரசு விருது குழுவின் தலைமையை கடுமையாக விமர்சித்த மாளிகைப்புரம் ...