Dinamalar

மல்டிபிளக்ஸ் தியேட்டர்களின் உணவு பொருட்கள் விலை : உச்சநீதிமன்றம் ஆதங்கம்

இந்தியாவில் உள்ள மல்டிபிளக்ஸ் தியேட்டர்களில் உணவுப் பொருட்களின் விலை வெளிமார்க்கெட் விலையை விட மிகவும் அதிகமாக இருப்பது அனைவருக்கம் தெரிந்ததே. காபி, பாப்கார்ன், கூல்டிரிங்ஸ் இதர திண்பண்டங்களின் விலை சாமானிய மக்கள் வாங்க முடியாத அளவிற்கே இருக்கின்றன.

2023ல் நடந்த சிஐஐ ஆய்வில், ஒருவர் மல்டிபிளக்ஸ் தியேட்டருக்குச் சென்று படம் பார்க்க ஆகும் செலவு 1800 ரூபாய் ஆகிறது என அறியப்பட்டது. அப்படியென்றால் ஒரு குடும்பம் சென்றால் எவ்வளவு ஆகும். ஊடகங்கள் இது பற்றி எத்தனை முறை எழுதினாலும் மல்டிபிளக்ஸ் தியேட்டர்களில் அதை மாற்றிக் கொள்ளத் தயாராக இல்லை.

கொரோனா காலகட்டத்திற்குப் பிறகு தியேட்டர்களுக்கு வரும் மக்களின் கூட்டணம் 15 சதவீதம் குறைந்துவிட்டதாகச் சொல்கிறார்கள். இந்நிலையில் கர்நாடக மாநிலத்தில் டிக்கெட் கட்டணங்களுக்கு மாநில அரசால் கட்டுப்பாடு விதிக்கப்பட்டு 200 ரூபாய் என நிர்ணம் செய்யப்பட்டது. அதை எதிர்த்து சில தயாரிப்பாளர்கள், மல்டிபிளக்ஸ் சங்கத்தினர் கர்நாடக உயர்நீதிமன்றம் சென்று தடை வாங்கினர்.

தற்போது இந்த வழக்கின் விசாரணை சுப்ரீம் கோர்ட்டில் நடந்து வருகிறது. அப்போது வழக்கை விசாரிக்கும் இரண்டு நீதிபதிகள் மல்டிபிளக்ஸ் தியேட்டர்களில் உள்ள திண்பண்டங்களின் அதிக விலை குறித்து தங்களது ஆதங்கத்தை வெளிப்படுத்தி உள்ளார்கள்.

தண்ணீர் பாட்டிலுக்கு ரூ.100, காபிக்கு ரூ. 700 வசூலிக்கிறீர்கள். இப்படி விற்றால் அது மக்களை தியேட்டரை விட்டே விரட்டி விடும். மாநில அரசின் நடவடிக்கை நுகர்வோரை பாதுகாக்கும். சினிமா வீழ்ச்சியடைந்து வருகிறது. மக்கள் அதை ரசிக்கும் விதமாக மாற்றுங்கள், இல்லையென்றால் தியேட்டர்கள் காலியாக மாறும் நிலை வரும் என்று நீதிபதிகள் தெரிவித்துள்ளார்கள்.

• 
  கத்ரினா கைப் - விக்கி கவுஷல் நட்சத்திர தம்பதிக்கு ஆண் குழந்தை பிறந்தது!
• 
  வெப் தொடரான கார்கில் போர்
• 
  மகேஷ்பாபுவின் கிண்டலுக்கு பிரியங்கா சோப்ரா பதில்
• 
  இன்றைய ரசிகர்கள் எப்போதும் இல்லாத அளவுக்கு புத்திசாலிகளாக உள்ளனர் : யாமி ...
• 
  நிகழ்ச்சிக்கு தாமதமாக வந்த மாதுரி தீக்ஷித் : கோபத்தில் வெளியேறிய ...

• 
  சினிமாவில் எதுவும் நிரந்தரமில்லை! : நந்திதா
• 
  அனுஷ்கா பிறந்தநாளில் வெளியான 'கதனார்' படத்தின் அழகிய போஸ்டர்!
• 
  யஷ் படத்துடன் மோதுவதில் பயமில்லை : தெலுங்கு இளம் ஹீரோ தில் பேச்சு
• 
  ராஜமவுலி, மகேஷ்பாபு படத்திலிருந்து வெளியான பிரித்விராஜ் முதல்பார்வை
• 
  கமலின் 'நாயகன்' படத்தின் ரீரிலீஸுக்கு தடை விதிக்க மறுத்த நீதிமன்றம்!