ஹரி ஹர வீரமல்லுவுக்காக 5 ஆண்டுகள் வேறு படங்களில் நடிக்காத நிதி அகர்வால் | பாலிவுட்டில் தடம் பதிப்பாரா ஜூனியர் என்டிஆர் | மோசடி வழக்கை சட்டப்படி சந்திப்பேன் : சாம் சி.எஸ் | பூமிகா ஆசை நிறைவேறுமா? | ஹீரோ இல்லாமல் நடந்த 'ஹரிஹர வீரமல்லு' பட விழா | ஜெயிலர் 2வில் மோகன்லால் இருக்கிறாரா? | விஜய் தரப்பின் பிரஷரால் வேகம் எடுக்கும் 'ஜனநாயகன்' | எனக்குள் அந்த தீ எரியும் வரை சினிமாவில் நடித்துக்கொண்டே இருப்பேன்! - கமல்ஹாசன் சொன்ன பதில் | தயாரிப்பாளர் ராஜேஷ் நடிக்கும் படத்தின் டைட்டில் 'அங்கீகாரம்'! பர்ஸ்ட் லுக் வெளியானது!! | 50வது படத்தில் வித்தியாசமான திருநங்கை வேடம்! - சிம்பு வெளியிட்ட தகவல் |
தமிழில் 'நேரம், ராஜா ராணி, நய்யாண்டி' உள்ளிட்ட படங்களில் நடித்தவரும் மலையாளத்தில் 'பெங்களூர் டேஸ்' உள்ளிட்ட படங்களின் மூலம் பிரபலமானவருமான நடிகை நஸ்ரியா, நடிகர் பஹத் பாசிலை திருமணம் செய்து கொண்ட பின் நடிப்புக்கு சிறிய இடைவெளி விட்டிருந்தார். சமீப காலமாக செலெக்ட்டிவ்வான படங்களில் மட்டும் நடித்து வருகிறார். அந்த வகையில் சமீபத்தில் நஸ்ரியா கதாநாயகியாக நடித்துள்ள 'சூட்சும தர்ஷினி' என்கிற திரைப்படம் கடந்த இரண்டு வாரங்களுக்கு முன்பு வெளியானது. இந்த படத்தில் கதாநாயகனாக 'மின்னல் முரளி' பட இயக்குனரும் 'ஜெய ஜெய ஜெய ஜெய ஹே' மற்றும் 'குருவாயூர் அம்பலநடையில்' உள்ளிட்ட படங்களில் கதாநாயகனாக நடித்து ரசிகர்களை கவர்ந்தருமான பஷில் ஜோசப் நடித்திருந்தார்.
இந்த படத்தை எம் சி என்பவர் இயக்கி இருந்தார். தனது பக்கத்து வீட்டில் குடியிருக்கும் இளைஞர் ஒருவரின் மர்மமான செயல்பாடுகளை கண்காணிக்கும் வித்தியாசமான ஒரு பெண் கதாபாத்திரத்தில் நஸ்ரியா இதில் நடித்திருந்தார். இந்த படம் வித்தியாசமான கதையம்சம் மற்றும் புதிய கோணத்தில் உருவாக்கப்பட்டிருந்தது. குறிப்பாக கடைசி 40 நிமிடங்கள் இந்த படத்தின் எதிர்பாராத திருப்பங்களாக அமைந்து படத்தின் வெற்றிக்கும் வித்திட்டன.
தற்போது படம் வெளியாகி 18 நாட்கள் ஆன நிலையில் இந்த படம் 50 கோடி வசூல் கிளப்பில் இணைந்துள்ளது. இந்திய அளவில் 28.05 கோடியும் வெளிநாடுகளில் 21.7 கோடியும் வசூலித்துள்ளது. குறிப்பாக கேரளாவில் 'புஷ்பா 2' திரைப்படம் தன் ஆதிக்கத்தை செலுத்தினாலும் கூட இந்த 'சூட்சும தர்ஷினி' படம் பல திரையரங்குகளில் இன்னும் வலுவாக ஓடிக் கொண்டிருக்கிறது.
ஏற்கனவே மலையாளத்தில் இந்த வருடத்தில் வெளியான 'பிரேமலு, மஞ்சும்மேல் பாய்ஸ், ஆவேசம்' உள்ளிட்ட படங்கள் 100 கோடி தாண்டி வசூலித்தன. அந்தவகையில் சூட்சும தர்சினியும் அந்த இலக்கை எட்டுமா என பொறுத்திருந்து தான் பார்க்க வேண்டும்.