Dinamalar

ஷாரூக்கான் பட வேலைகளை தொடங்கிய அட்லி

ராஜா ராணி படத்தில் இயக்குனரான அட்லி, அதையடுத்து விஜய் நடிப்பில் தெறி, மெர்சல், பிகில் என மூன்று படங்களை இயக்கினார். அதன்பிறகு பாலிவுட் நடிகர் ஷாரூக்கானை வைத்து தனது புதிய படத்தை இயக்கப்போவதாக மும்பை சென்று அவரை சந்தித்து விட்டு திரும்பினார். ஆனபோதும் அந்த படம் குறித்த தகவல்கள் எதுவும் வெளியாகவில்லை.

இதனால் விஜய் 66ஆவது படத்தை அட்லி இயக்கப் போவதாக மீடியாக்களில் செய்திகள் வெளியாகி வருகின்றன. அதேசமயம் ஷாரூக்கான் படத்தின் ப்ரீபுரொடக்சன்ஸ் வேலைகளில் அட்லி ஈடுபட்டு வருவதாகவும் இன்னொரு பக்கம் செய்திகள் வெளியாகிக்கொண்டிருந்தது.

இந்த நேரத்தில் அட்லியின் மனைவியான பிரியா தற்போது இன்ஸ்டாகிராமில் ஒரு வீடியோ வெளியிட்டுள்ளார். அதில், தனது உதவி இயக்குனர் குழுவுடன் கையில் ஹெலிகாப்டர், கார் பொம்மைகளை வைத்துக் கொண்டு கதை விவாதத்தில் ஈடுபட்டிருக்கிறார் அட்லி. இதை வைத்துப் பார்க்கையில் ஷாரூக்கானை வைத்து தான் இயக்கும் படத்திற்கான ஸ்கிரிப்ட் பணிகளில் அட்லி இறங்கியிருப்பது தெரிகிறது.

அதேசமயம், ஏற்கனவே ஷாருக்கானிடம் அட்லி சொன்ன இரண்டு கதைகள் அவருக்கு பிடிக்கவில்லை என்றும் அதனால் தற்போது மூன்றாவதாக ஒரு கதை அவர் ரெடி பண்ணி வருவதாகவும் கோலிவுட்டில் ஒரு செய்தி வெளியாகியுள்ளது.

• 
  கே.பி.ஒய். பாலாவின் ‛காந்தி கண்ணாடி' செப்., 5ல் ரிலீஸ்
• 
  ரஜினியின் ஒர்க் அவுட் வீடியோ : வைரலாக்கும் ரசிகர்கள்
• 
  யாரும் சங்கத்தை விட்டு விலகவில்லை : ஓட்டளித்த பின் மோகன்லால் பேட்டி
• 
  கூலியில் கவனம் பெற்ற லொள்ளு சபா மாறன்
• 
  50 ஆண்டு சினிமா பயணம் : ரஜினிக்கு அந்த ஒரு ஏக்கம் மட்டுமே...!

• 
  விமர்சனங்களில் பின்னடைவைச் சந்திக்கும் 'வார் 2'
• 
  ரூ.60 கோடி பண மோசடி : நடிகை ஷில்பா ஷெட்டி, கணவர் ராஜ்குந்த்ரா மீது ...
• 
  தெரு நாய்களுக்கு ஆதரவாக குரல் கொடுத்து விமர்சனத்தில் சிக்கிய ஜான்வி ...
• 
  'எக்ஸ்க்ளுசிவ் ஒப்பந்தம்' : 'வார் 2' செய்வது சரியா ?
• 
  சிறையில் இருக்கும் நடிகை ரன்யா ராவின் வளர்ப்பு தந்தைக்கு மீண்டும் ...