Dinamalar

சமந்தாவின் வாழ்த்தும், நாக சைதன்யாவின் நன்றியும்...

தமிழ், தெலுங்குத் திரையுலகத்தில் சமந்தா - நாகசைதன்யா விவாகரத்தா என்பதுதான் கடந்த சில வாரங்களாக முதன்மை கிசுகிசுவாக இருந்து வருகிறது. தனது மாமனார் நாகார்ஜுனாவின் பிறந்தநாளுக்கு சமந்தா வாழ்த்து கூறியிருந்தாலும் அதற்கு நாகார்ஜுனா பதிலளிக்கவில்லை. அதனால், அவர்கள விவகாரத்து கிசுகிசு உண்மை தான் போல என்றும் ரசிகர்களும், மீடியாக்களும் நினைத்தார்கள்.

இந்நிலையில் சமந்தாவின் கணவர் நாக சைதன்யா நடித்துள்ள 'லவ் ஸ்டோரி' படத்தின் டிரைலர் நேற்று வெளியானது. நாகசைதன்யா டுவிட்டரில் பகிர்ந்த அந்தப் பதிவை ரிடுவீட் செய்து, படத்தின் நாயகி சாய் பல்லவியை மட்டும் 'டேக்' செய்து, 'வின்னர், குழுவினருக்கு நன்றி' என சமந்தா வாழ்த்தியிருந்தார். அதில் கூட அவர் நாகசைதன்யாவை ஏன் 'டேக்' செய்யவில்லை, அவருக்கென தனியாக ஏன் வாழ்த்து கூறவில்லை என்ற சந்தேகமும் கிளம்பியது.

சமந்தா நேற்று மாலை பதிவிட்ட அந்த வாழ்த்திற்கு நாக சைதன்யாவும் உடனடியாக பதில் தெரிவிக்கவில்லை. எனவே, வழக்கம் போல விவாகரத்து கிசுகிசு இறக்கை முளைத்து பறந்தது. இந்நிலையில் இன்று காலை சமந்தாவிற்கு நன்றி தெரிவித்து 'நன்றி சாம்' என பதிலளித்துள்ளார் நாக சைதன்யா. ஆனால், அந்த பதிலுக்கும் பல ரசிகர்கள் சந்தேகங்களை எழுப்பி கேள்வி கேட்டு வருகின்றனர்.

சமந்தா - நாக சைதன்யா இருவரும் வெளிப்படையாக இது பற்றி அறிவிக்கும் வரை 'விவாகரத்து கிசுகிசு' வந்து கொண்டுதான் இருக்கும்.

• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்
• 
  அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்
• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?

• 
  மீண்டும் தனுஷூடன் இணையும் சாய் பல்லவி!
• 
  'தி ராஜா சாப்' படத்தில் சிறப்பு தோற்றத்தில் கயல் ஆனந்தி!
• 
  புதிதாக மூன்று படங்களை ஒப்பந்தம் செய்த ரியோ ராஜ்!
• 
  தேசிய விருது கிடைத்தால் மகிழ்ச்சி: துல்கர் சல்மான்
• 
  முதல் முறையாக ரவி தேஜா உடன் இணையும் சமந்தா!