Dinamalar

கட்-அவுட்டிற்கு ஆடு பலி கொடுத்த விவகாரம் - ரஜினி மீது போலீசில் புகார்

சிவா இயக்கத்தில் ரஜினி நடித்துள்ள படம் அண்ணாத்த. இப்படத்தின் பர்ஸ்ட் லுக், மோஷன் போஸ்டர் சில தினங்களுக்கு முன்பு வெளியானது. ஒரு ஊரில் ரஜினியின் ரசிகர்கள் அண்ணாத்த பேனருக்கு முன்பு நடுரோட்டில் வைத்து ஆடு பலி கொடுத்து, அந்த ரத்தத்தை பேனர் மீது அபிஷேகம் செய்தனர் . இந்த வீடியோ சோசியல் மீடியாவில் வைரலாகி அதிர்ச்சியை ஏற்படுத்தியது.

இந்நிலையில் தமிழ்வேந்தன் என்ற வழக்கறிஞர் இதுகுறித்து டிஜிபி அலுவலகத்தில் ஒரு புகார் அளித்துள்ளார். அதில், சில தினங்களுக்கு நடிகர் ரஜினிகாந்த் நடித்த அண்ணாத்த படத்தின் போஸ்டர் வெளியானபோது அவரது ரசிகர்கள் அண்ணாத்த படத்தின் போஸ்டர் முன்பு கொடூரமாக ஒரு ஆட்டை பலி கொடுத்து அந்த பேனருக்கு ரத்த அபிஷேகம் செய்துள்ளனர். நெஞ்சை பதற வைக்கும் இந்த சம்பவம் பெண்கள், குழந்தைகள் செல்லும் நடுரோட்டில் நடைபெற்றுள்ளது. ஆனால் இதுகுறித்து நடிகர் ரஜினி இதுவரை எந்தவித கண்டனமும் தெரிவிக்கவில்லை. அவரது செயல்பாடு இதை ஆதரிப்பது போலவே உள்ளது.

கோயில்களில், கறிக்கடைகளில் ஆடு வெட்டுவதையே ஒதுக்குப்புறமாக வைத்து செய்து வருகிறார்கள். ஆனால் ஒரு நடிகரின் கட்-அவுட்டுக்கு இப்படி நடுரோட்டில் ஆட்டை பலி கொடுத்தது கொடூரமானது. அதனால் இந்த செயலை கண்டிக்காத ரஜினி மீது உடனடியாக நடவடிக்கை எடுக்க வேண்டும் என்று அந்த மனுவில் கேட்டுக் கொண்டுள்ளார்.

• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்
• 
  அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்
• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?

• 
  மீண்டும் தனுஷூடன் இணையும் சாய் பல்லவி!
• 
  'தி ராஜா சாப்' படத்தில் சிறப்பு தோற்றத்தில் கயல் ஆனந்தி!
• 
  புதிதாக மூன்று படங்களை ஒப்பந்தம் செய்த ரியோ ராஜ்!
• 
  தேசிய விருது கிடைத்தால் மகிழ்ச்சி: துல்கர் சல்மான்
• 
  முதல் முறையாக ரவி தேஜா உடன் இணையும் சமந்தா!