கேங்ஸ்டர் படத்தில் மகேந்திரன்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

கேங்ஸ்டர் படத்தில் மகேந்திரன்

26 ஜூலை, 2021 - 04:18 IST

எழுத்தின் அளவு:

ஏராளமான படங்களில் குழந்தை நட்சத்திரமாக நடித்த மாஸ்டர் மகேந்திரன், அதன் பிறகு ஹீரோவாக சில படங்களில் நடித்தார். ஆனால் அந்த படங்கள் பெரிதாக பேசப்படவில்லை. ஹீரோவாக ஜெயிக்க தொடர்ந்து போராடிக் கொண்டிருந்தவருக்கு சமீபத்தில் வெளியான மாஸ்டர் படம் பெரிய திருப்புமுனையை கொடுத்தது. அதில் அவர் விஜய்சேதுபதி நடித்த பவானி கேரக்டரின் இளம் பகுதியில் நடித்திருந்தார்.

இதை தொடர்ந்து மகேந்திரனுக்கு வாய்ப்புகள் வரத் தொடங்கியுள்ளது. சில படங்களில் வில்லனாகவும், சிலவற்றில் ஹீரோவாகவும் நடிக்கிறார். அவர் ஹீரோவாக நடிக்கும் படங்களில் ஒன்று அமிகோ கேரேஜ். இது கேங்கஸ்டர் கதையை கொண்டது. ஆதிரா என்ற புதுமுகம் மகேந்திரன் ஜோடியாக நடிக்கிறார்.

அறிமுக இயக்குனரான பிரசாந்த் நாகராஜன் இயக்குகிறார். படம் பற்றி அவர் கூறியதாவது: ஒரு கேரேஜை சுற்றியே படத்தின் கதை அமைந்துள்ளதால் படத்திற்கு இந்த பெயரை வைத்தோம். இது கேங்ஸ்டர் கதை களத்தில் உருவாகும் த்ரில்லர் படம். கேங்ஸ்டர் என்றாலே மக்களுக்கு ஒரு குறிப்பிட்ட இமேஜ் உள்ளது. ஆனால் அவர்களின் வாழ்க்கையிலும் பலவிதமான எமோஷன்கள் இருக்கும். ஆரம்பத்தில் அவர்களும் சாதாரண வாழ்க்கையை தான் வாழ்ந்திருப்பார்கள். அப்படிப்பட்ட ஒரு வாழ்க்கையை சொல்வது தான் இந்த கதை என்றார்.

Actormahendran

Mahendran

கருத்துகள் (0) கருத்தைப் பதிவு செய்ய

தேஜாவு என்றால் என்ன? இயக்குனர் ...

கார் ஓட்டிக் கொண்டே வீடியோ ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய