Dinamalar

சிறந்த நடிகர் : ஆவண காப்பாக காலெண்டரில் எம்.ஜி.ஆர்

பழங்கால பொருட்களை பாதுகாக்க மியூசியம் இருப்பது போன்று திரைப்படம் சார்ந்த பழமையான பொருட்கள், பழைய படங்களை பாதுகாக்க மகாராஷ்டிர மாநிலம் புனேயில் தேசிய திரைப்பட ஆவண காப்பகம் உள்ளது. திரைப்படம் குறித்து படிக்கும் மாணவர்களுக்கு இது அரிய பொக்கிஷம். இந்த ஆவண காப்பகம் ஆண்டுதோறும் வெளியிடும் காலெண்டர் மிகவும் பிரசித்தி பெற்றது.

ஒவ்வொரு ஆண்டும் ஏதாவது ஒரு தலைப்பில் இந்த காலெண்டரை வெளியிடும். அந்த வரிசையில் 2021ம் ஆண்டு காலெண்டரை சிறந்த நடிப்பு கலைஞர்கள் என்ற தலைப்பில் வெளியிட்டுள்ளது. இந்த காலெண்டரில் மக்கள் திலகம் எம்.ஜி.ஆர், ரிக்ஷாக்காரன் படத்தில் நடித்தற்காக சிறந்த நடிகர் என்ற தலைப்பின் கீழ் அவரது படம் வெளியிடப்பட்டுள்ளது. இதுதவிர சில நேரங்களில் சில மனிதர்கள் படத்தில் நடித்த லட்சுமியும், தாசி என்ற தெலுங்கு படத்தில் நடித்த அர்ச்சனாவும் சிறந்த நடிகைகளாக குறிப்பிடப்பட்டு அவர்கள் படம் வெளியிடப்பட்டிருக்கிறது.

இவர்கள் தவிர மலையாள நடிகர் பி.ஜே.ஆண்டனி, பரத்கோபி, நடிகை மோனிஷா உன்னி, இந்தி நடிகைகள் ரெஹானா சுல்தானா, ஸ்மிதா பாட்டீல், பெங்காலி நடிகர்கள் மாதாபாய் முகர்ஜி, உத்தம குமார், கன்னட நடிகர்கள் எம்.வி.வாசுதேவ ராவ், நந்தினி பக்தவச்சலா ஆகியோரின் படங்களும் இடம் பெற்றுள்ளது.

• 
  மனநல தூதர் ஆனார் தீபிகா
• 
  செருப்பு அணிந்து அபுதாபி மசூதிக்குள் சென்றாரா சோனாக்ஷி சின்ஹா?
• 
  பண்ணை வீடு திருட்டு சம்பவம் ; துப்பாக்கி லைசென்ஸுக்கு விண்ணப்பித்த ...
• 
  சுஹர்ஷ் ராஜ் நடித்த மியூசிக் வீடியோ: அனூப் ஜலோடா, பாடகி மதுஸ்ரீ பாராட்டு
• 
  ஹ்ரித்திக் ரோஷன் தயாரிப்பில் உருவாகும் புதிய வெப் தொடர்

• 
  ரஜினி, கமல் இணையும் படத்தை இயக்குகிறேனா? : பிரதீப் ரங்கநாதன் சொன்ன பதில்
• 
  அஜித் 64வது படத்தில் இயக்குனர் சரண் பணியாற்றுகிறாரா?
• 
  காந்தாரா சாப்டர் 1 கிளைமாக்ஸ் சவால்களை வெளியிட்ட ரிஷப் ஷெட்டி
• 
  பிரியங்கா மோகனின் ‛மேட் இன் கொரியா'
• 
  பாலாஜி மோகன், அர்ஜுன் தாஸ் இணையும் ‛லவ்'