Dinamalar

பிளாஷ்பேக்: கருணாநிதியுடன் இணைந்து படம் தயாரித்த எம்ஜிஆர்

1950களில் எம்ஜிஆர் நடிகராகவும், கருணாநிதி வசனகர்த்தாவாகவும் சினிமாவில் பயணித்தனர். சினிமாவிலும், அரசியலிலும் நெருக்கமான நண்பர்களாக இருந்தனர். ஒரு கட்டத்தில் இருவரும் இணைந்து 'மேகலா பிக்சர்ஸ்' என்ற தயாரிப்பு நிறுவனத்தை தொடங்கினர். இதில் வி.என்.ஜானகி, எம்.ஜி.சக்ரபாணி, பத்திரிகையாளர் ராஜாராம் ஆகியோர் பங்குதாரர்களாக இருந்தனர்.

இந்த நிறுவனம் ஜூபிடர் பிலிம்சுடன் இணைந்து தயாரித்த முதல் படம் 'நாம்'. இதில் எம்ஜிஆர், வி.என். ஜானகி, எம்.என். நம்பியார், பி.எஸ். வீரப்பா, எம்.ஜி. சக்ரபாணி, பி.கே. சரஸ்வதி, எஸ்.ஆர். ஜானகி, ஆர்.எம். சேதுபதி, எஸ்.எம். திருப்பதிசாமி, டி.எம். கோபால், எம். ஜெயஸ்ரீ, ஏ.சி. இருசப்பன், எம்.எம்.ஏ. சின்னப்பா தேவர், டி.கே. சின்னப்பா ஆகியோர் நடித்தனர்.

அன்றைய எழுத்தாளர் காஷியின் "காதல் கண்ணீர்" என்ற நாவலை தழுவி உருவான இந்தப் படத்திற்கு திரைக்கதை, வசனம் மற்றும் பாடல்களை கருணாநிதி எழுதினார்.

ஒரு ஜமீன் வீட்டில் பணியாற்றும் எம்ஜிஆருக்கு தான்தான் அந்த ஜமீனின் வாரிசு என்பது தெரிய வரும். ஆனால் அதற்கான ஆதாரங்களை வில்லன்கள் மறைத்து விடுவார்கள். அதை கண்டுபிடித்து எப்படி அவர் ஜமீன் வாரிசாகிறார் என்பதுதான் படத்தின் கதை.

இந்த படத்திற்கு பிறகு மேகலா பிக்சர்ஸ் ஒரு சில படங்களை தயாரித்தது, பின்னர் எம்ஜிஆர் பிச்சர்ஸ் என்ற நிறுவனத்தை எம்ஜிஆரும், பூம்புகார் புரொடக்ஷன் என்ற நிறுவனத்தை கருணாநிதியும் தனித்தனியாக தொடங்கினார்கள்.

• 
  பிரதமர் மோடியின் அம்மா வேடத்தில் நடிக்கும் ரவீனா டாண்டன்
• 
  நலமாக இருக்கிறேன் : மருத்துவமனையிலிருந்து வீடு திரும்பினார் கோவிந்தா
• 
  நலமுடன் வீடு திரும்பினார் தர்மேந்திரா
• 
  சோஷியல் மீடியாவில் திடீரென வைரலான 'கிரிஜா ஓக் காட்போலி'
• 
  மன்னிக்க முடியாதது : ஹேமமாலினி கோபம்

• 
  ஆண்களுக்கும் 'பீரியட்ஸ்' ; சலசலப்பை கிளப்பிய ராஷ்மிகாவின் கருத்துக்கு ...
• 
  ரூ.100 கோடி வசூலை குவித்த 'டியூட்' முதல் வரிசை கட்டும் இந்த வார ஓடிடி ...
• 
  ஜேசன் சஞ்சய் எடுத்த சரியான முடிவு : விக்ராந்த் வெளியிட்ட தகவல்
• 
  லோகா படத்தின் புதிய பாகத்தில் மம்முட்டி : துல்கர் சல்மான் தகவல்
• 
  சின்மயியிடம் தொடர்ந்து கோரிக்கை வைத்த ஜானி மாஸ்டரின் மனைவி