Dinamalar

எனக்கு பாராட்டு விழா வேணாம்: தயாரிப்பாளர் தாணு

அறிவழகன், 'பாண்டியன் ஸ்டோர்ஸ்' ஹேமா, வேல. ராமமூர்த்தி நடிக்க, கமல் ஜி இயக்கியுள்ள படம் 'நெல்லை பாய்ஸ்'. ரசாந்த் அர்வின் இசையமைத்துள்ளார். இந்த பட விழாவில் 40 ஆண்டுகளுக்கு மேல் சினிமாதுறையில் சாதனைகள் படைத்து வரும் தயாரிப்பாளர் எஸ்.தாணுவுக்கு பாராட்டு விழா நடத்தப்பட வேண்டும் என பலர் பேசினர்.

அதற்கு பதில் அளித்து பேசிய தாணு, "இன்றைய திரை உலகுக்கு மிகவும் அவசியம் ஒரு கட்டுப்பாடு. எனக்குப் பாராட்டு விழா பிடிக்காது. ரஜினிகாந்த் நடிப்பில் 50 ஆண்டுகள் முடித்துள்ளார். அவர் செய்த சாதனைகள் எண்ணற்றவை. அவரே தனக்குப் பாராட்டு விழா வேண்டாம் என்று கூறிவிட்டார். அவரே அப்படிச் சொன்னபோது, எனக்கு மட்டும் பாராட்டு விழாவா? எனக்கு அது தேவையில்லை. நாம் மக்களின் நன்மைக்காக, சமூகத்திற்காக விழா எடுக்கலாம்" என்றார்.

படத்தின் இயக்குனர் கமல் ஜி பேசுகையில் "இந்த படம் முழுக்க முழுக்க நகரம் சார்ந்த நட்பைப் பற்றிப் பேசுகிறது. நட்பு மற்றும் காதலை அடிப்படையாக வைத்து இந்தப் படம் எடுக்கப்பட்டுள்ளது. நகரத்து நட்புக்கும் நெல்லை மாதிரியான பகுதியின் நட்புக்கும் என்ன மாதிரியான வேறுபாடு இருக்கிறது என்பதைப் பற்றிப் பேசுகிறது. ஹீரோ அறிவழகன் சிறப்பாக நடித்துள்ளார். நாயகி ஹேமா விடியற்காலை 5 மணி வரைக்கும் நடித்துக் கொடுத்து ஒத்துழைப்பு கொடுத்தார்" என்றார்.

• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி

• 
  என் பெயரில் வரும் அழைப்புகள், மெசேஜ்கள் போலியானவை: தனுஷ் மானேஜர் அறிக்கை
• 
  பெண்களை இழிவாக பேசும் இயக்குனர்: திவ்யபாரதி புகார்
• 
  'ஆரோமலே' படத்திற்கு எதிராக வழக்கு
• 
  பிளாஷ்பேக்: நடிகையின் பிரச்னையை பேசிய முதல் படம்
• 
  தமிழில் 4 ஆண்டுக்கு பின் நாயகியாக நடிக்கும் கல்யாணி பிரியதர்ஷன்