Dinamalar

மீரா மிதுனை கைது செய்து ஆஜர்படுத்த நீதிமன்றம் உத்தரவு

பட்டியலினத்தவர்கள் குறித்து அவதூறாக பேசிய வழக்கில் நடிகை மீரா மிதுனை கைது செய்து ஆஜர்படுத்த நீதிமன்றம் உத்தரவிட்டுள்ளது.

பிக்பாஸ் நிகழ்ச்சியில் பங்கேற்றவர் மீரா மிதுன். மாடலிங் துறையை சேர்ந்த இவர் ஓரிரு படங்களிலும் நடித்துள்ளார். ஏடாக்கூடாமாக பேசி சர்ச்சைகளிலும் சிக்கி வந்தார். 2021ல் பட்டியலின மக்கள் குறித்து அவதூறாக பேசி வலைதளத்தில் வீடியோ வெளியிட்டார். இதனால் இவர் மீதும், இவரது நண்பர் சாம் அபிஷேக் மீது போலீசார் வழக்கு பதிவு செய்த நிலையில் 2021, ஆகஸ்டில் இருவரையும் கைது செய்தனர். பின்னர் ஜாமினில் விடுவிக்கப்பட்டனர். இருப்பினும் வழக்கு விசாரணைக்கு மீரா மிதுன் ஆஜராகவில்லை. அவருக்கு பிடிவாரண்ட் பிறப்பிக்கப்பட்ட நிலையில் தலைமறைவானார்.

இந்நிலையில் டில்லி நகர வீதிகளில் இவர் சுற்றி வந்துள்ளார். அவரை மீட்டு தரக்கோரி மீரா மிதுன் தாயார் தரப்பில் மனு தாக்கல் செய்யப்பட்டது. அவர் அங்குள்ள காப்பகத்தில் இருப்பதாக கூறப்படுகிறது. இந்த வழக்கை ஏற்ற நீதிமன்றம், மீரா மிதுனை கைது செய்து ஆக., 11ல் ஆஜர்படுத்தும்படி மத்திய குற்றப் பிரிவு போலீஸிற்கு சென்னை உயர்நீதிமன்றம் உத்தரவு பிறப்பித்துள்ளது.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  என் பெயரில் வரும் அழைப்புகள், மெசேஜ்கள் போலியானவை: தனுஷ் மானேஜர் அறிக்கை
• 
  பெண்களை இழிவாக பேசும் இயக்குனர்: திவ்யபாரதி புகார்
• 
  'ஆரோமலே' படத்திற்கு எதிராக வழக்கு
• 
  பிளாஷ்பேக்: நடிகையின் பிரச்னையை பேசிய முதல் படம்
• 
  தமிழில் 4 ஆண்டுக்கு பின் நாயகியாக நடிக்கும் கல்யாணி பிரியதர்ஷன்