Dinamalar

சர்வதேசப் படமாகவே இருக்கும் : அல்லு அர்ஜுன் தந்த அப்டேட்

இந்தியத் திரையுலகத்தில் 'பான் இந்தியா' என்பதைப் பிரபலப்படுத்திய படம் 'பாகுபலி 2'. அதன்பின் சில பல முன்னணி நடிகர்களின் படங்களை ஐந்து மொழிகளில் இந்தியா முழுவதும் வெளியிட்டு அவற்றைப் 'பான் இந்தியா' படங்கள் என்று அழைத்தார்கள். உலக அளவில் அந்தப் படங்கள் கோடிகளில் வசூலித்தாலும் கூட 'பான் இந்தியா' படம் என்றே சொல்லப்பட்டது. அவற்றை 'பான் வேர்ல்டு' படம் என்று சொல்வதில்லை.

இந்நிலையில் அட்லி இயக்கத்தில், தான் நடிக்க உள்ள படத்தை 'பான் வேர்ல்டு' படமாக உருவாக்க உள்ளதாக 'வேவ்ஸ் 2025' மாநாட்டில் கலந்து கொண்ட அல்லு அர்ஜுன் தெரிவித்துள்ளார். “ஜவான்' மற்றும் தென்னிந்தியாவில் சில சூப்பர் ஹிட் படங்களைக் கொடுத்த இயக்குனர் அட்லியுடன் எனது 22வது படத்தில் நடிக்க உள்ளேன். அவர் என்னிடம் சொன்ன ஐடியாக்கள் எனக்கு மிகவும் பிடித்திருந்தது. அவருடைய ஆசைகளும் எனக்குப் பிடித்திருந்தது. எங்கள் இருவரது எண்ணங்களும் ஒரே மாதிரியாக உள்ளதாக உணர்ந்தேன். இந்திய சினிமாவிற்கு ஒரு புதிய காட்சி அதிசயத்தைக் கொண்டு வருவோம் என்று நம்புகிறோம். இது இந்திய உணர்வுகளை உள்ளடக்கிய ஒரு சர்வதேச திரைப்படமாக இருக்கும்,” என்று கூறியுள்ளார்.

இப்படத்தின் அடுத்த கட்டப் பயணமாக படத்தில் நடிக்க உள்ள கதாநாயகிகளுக்கான தேர்வும், மற்ற நடிகர்கள் தேர்வும் நடைபெற்று வருகிறது. விரைவில் அடுத்தடுத்த அறிவிப்புகள் வெளியாகலாம்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!