Dinamalar

கேரளாவில் இருந்து நடந்தே வந்து விஜய்யை சந்தித்த ரசிகர்

தங்களது அபிமான ஹீரோக்களை எப்படியவடஹு சந்தித்து விட வேண்டும் என ஒவ்வொரு ரசிகரும் ஒவ்வொரு விதமாக முயற்சி செய்கின்றனர். அப்படி கேரளாவை சேர்ந்த விஜய் ரசிகரான உன்னி கண்ணன் என்பவர் சென்னை வந்து பலமுறை விஜய்யை சந்திக்க முயற்சி செய்தும் முடியாமல் போனது. அதற்காக தனது முயற்சியை நிறுத்தாமல் வித்தியாசமான முறையில் யோசித்து விஜய் சந்திக்க முடிவு செய்தார். அதன் தொடர்ச்சியாக கடந்த ஜனவரி 1ம் தேதி அன்று சென்னை வந்து விஜய் சந்திப்பதற்காக கேரளாவில் மங்கலம் பகுதியில் இருந்து நடை பயணம் மேற்கொண்டார் உன்னி கண்ணன்.

கழுத்தில் விஜய் படத்தை கட்டி தொங்க விட்டபடி கைகளிலும் விஜயின் பெரிய புகைப்படங்களை பிடித்தபடி அவர் நடைப்பயணம் மேற்கொண்ட புகைப்படங்கள் சோசியல் மீடியாவில் வெளியாகி வைரல் ஆகின. எப்படியும் இது விஜய்யின் கவனத்திற்கு சென்று விடும், அவரை இந்த முறை சந்தித்து விடலாம் என்பது தான் உன்னி கண்ணனின் நம்பிக்கையாக இருந்தது. அதற்கேற்றபடி சென்னை வந்து விஜய்யையும் சந்தித்து விட்டார் உன்னி கண்ணன். ஆனால் சந்தோஷத்திலும் ஒரு சோகம் என்பது போல விஜய்யை சந்தித்தபோது எடுக்கப்பட்ட புகைப்படங்களை இவரால் பகிர்ந்து கொள்ள முடியவில்லை.

காரணம் இவரது இந்த நடைப்பயணம் பற்றி கேள்விப்பட்ட விஜய் இவரை சந்திப்பதற்காக தற்போது தான் நடித்து வரும் ஜனநாயகன் படப்பிடிப்பு தளத்திற்கு அவரை அழைத்து வரும்படி கூறி இருக்கிறார். படப்பிடிப்பு தளத்தில் வைத்து அவரை சந்தித்து தனது கேரவனிலும் உன்னி கண்ணனை அமர வைத்து பத்து நிமிடங்களுக்கு மேல் பேசியும் இருக்கிறார். ஆனால் அங்கே செல்போன் கொண்டு போக உன்னி கண்ணன் அனுமதிக்கப்படவில்லை. அதே சமயம் உன்னி கண்ணனின் விருப்பப்படி விஜய்யுடன் இணைந்து அவர் புகைப்படம் எடுத்துக் கொண்டார். ஆனால் விஜய் படப்பிடிப்பு உடையில் இருந்ததால் தற்போது தனக்கு அந்த புகைப்படம் கொடுக்கப்படவில்லை என்றும், விரைவில் அனுப்பி வைப்பதாக கூறியுள்ளார்கள் என்றும் உன்னி கண்ணன் தனது சோசியல் மீடியா பதிவில் விஜய்யை சந்தித்தது குறித்த மகிழ்ச்சியை வெளிப்படுத்தி உள்ளார்.

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்
• டுவிட்டர்

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  எனக்கும் ஒரு எதிர்காலம் உள்ளது... வதந்தி பரப்பாதீங்க : பவித்ரா லட்சுமி
• 
  பிரியங்கா மோகனின் துருக்கி கனவு நனவானது
• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு