Dinamalar

பிளாஷ்பேக் : திடீர் இயக்குனரான கமல்ஹாசன்

1960 மற்றும் 70களில் முன்னணி இயக்குனராக இருந்தவர் டி.என்.பாலு. அஞ்சல் பெட்டி 520, மனசாட்சி, மீண்டும் வாழ்வேன், நல்லதுக்கு காலமில்லை, ஓடி விளையாடு தாத்தா, சட்டம் என் கையில் உள்ளிட்ட பல படங்களை இயக்கினார். கமல்ஹாசனின் நெருக்கமான நண்பர். டி.என்.பாலுவுக்கு சில பொருளாதார பிரச்சினைகள் ஏற்பட அவருக்கு உதவுவதற்காக கமல் நடித்து கொடுத்த படம் 'சங்கர்லால்'.

இந்த படத்தை டி.என்.பாலு இயக்கினார், ஸ்ரீதேவி, சீமா, பி.ஆர்.வரலட்சுமி, மனோகர், அசோகன், சுருளிராஜன் உள்ளிட்ட பலர் நடித்தனர். கங்கை அமரன் இசை அமைத்தார், என்.கே.விஸ்வநாதன் ஒளிப்பதிவு செய்தார்.

கமல்ஹாசன் அப்பா, மகன் என இரண்டு வேடங்களில் நடித்தார். செய்யாத குற்றத்துக்காக ஜெயிலுக்கு போகும் சங்கர்லால் சிறையிலிருந்து விடுதலையானதும் சிதறிய தனது குடும்பத்தை ஒன்று சேர்ப்பதும், தன்னை ஜெயிலுக்கு அனுப்பியவர்களை பழிவாங்குவதும்தான் கதை.

இந்தபடத்தின் படப்பிடிப்பு நடந்து கொண்டிருந்தபோதே இயக்குனர் டி.என்.பாலு மரணமடைந்து விட்டார். அதனால் மீதி படத்தை கமல்ஹாசனும், ஒளிப்பதிவாளர் என்.கே.விஸ்வநாதனும் இணைந்து இயக்கி முடித்தனர். இந்த படத்தில் நாயகியாக ஸ்ரீப்ரியா நடிப்பதாக இருந்தது. ஆனால் கமல் ஸ்ரீதேவிதான் நடிக்க வேண்டும் என்று பலமாக சிபாரிசு செய்ய ஸ்ரீதேவி நடித்தார். ஸ்ரீதேவி துப்பறிவாளராகவும், சீமா கிளப் டான்சராகவும் நடித்தனர். 'இளங்கிளியே இன்னும் விளங்கலியே...' என்ற ஒரு பாடலுக்கு இளையராஜா இசை அமைத்திருந்தார். படம் சுமாரான வரவேற்பை பெற்றது.

• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்
• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு

• 
  தனுஷ் 54வது படத்தின் படப்பிடிப்பு நிறைவு.. தயாரிப்பாளர் தகவல்!
• 
  விஷாலுக்கு ஜோடியாக இரண்டு நாயகிகள்!
• 
  பிரேம் குமார், பஹத் பாசில் படம்... "இன்னொரு ஆவேசம்" தயாரிப்பாளர் தந்த ...
• 
  அருள்நிதி, முத்தையா கூட்டணியில் ‛ராம்போ'.. புதிய பட அறிவிப்பு!
• 
  ‛ஜனநாயகன்' படத்தின் முதல் பாடல் வெளியீட்டை தள்ளி வைக்கும் விஜய்!