இன்ஸ்டாகிராம் மட்டுமல்ல போன் நம்பரையும் ஹேக் செய்து விட்டார்கள் ; நடிகை லட்சுமி மஞ்சு விரக்தி | மோகன்லால் மகனின் காதல் கல்யாணியுடன் அல்ல ; பிரபல தயாரிப்பாளர் வெளியிட்ட ரகசியம் | நள்ளிரவில் கேரள போலீசாரிடம் ஹோட்டலில் இருந்து குதித்து தப்பிய வில்லன் நடிகர் | 'கனிமா'வைத் தொடர்ந்து 'ஜிங்குச்சா' : மீண்டும் ஒரு திருமணப் பாடல் | 'பெத்தி' படத்தில் இணைகிறாரா காஜல் அகர்வால்? | 'கூலி' படத்தில் நடித்துள்ள 'குட் பேட் அக்லி' பிரபலம்! | ரெட்ரோ படத்தின் தணிக்கை மற்றும் நீளம் குறித்து தகவல் இதோ! | ஆன் ஸ்க்ரீன் என்னோட குரு கமல்ஹாசன் - சிலம்பரசன் பேச்சு | பொன்னியின் செல்வன் : தயாரிக்க மறுத்த கமல்ஹாசன் | தனுசுடன் 'குபேரா' புரமோஷன் நிகழ்ச்சிகளில் பங்கேற்க தயாராகி வரும் ராஷ்மிகா மந்தனா! |
மலையாள நடிகை பார்வதி கடந்த 20 வருடங்களாக மலையாளம், தமிழ் மற்றும் ஹிந்தி என மூன்று மொழிகளிலும் தொடர்ந்து மாறி மாறி நடித்து வருகிறார். அதே சமயம் நல்ல கதைகளையும் கதாபாத்திரங்களையும் தேர்ந்தெடுத்து நடித்து வருவதால் செலெக்ட்டிவ்வான படங்களில் மட்டுமே நடிக்கிறார். இன்னொரு பக்கம் மலையாள திரையுலகில் இவர் எப்போதுமே நடிகைகளின் பாதுகாப்புக்கும் பெண் தொழிலாளர்களின் உரிமைகளுக்கும் தொடர்ந்து குரல் கொடுத்து வருவதால் பெரும்பாலான படங்களுக்கு இவரை அணுகுவதில்லை என்பதும் இன்னொரு காரணம்.
சமீபத்தில் வெளியாகி பரபரப்பை ஏற்படுத்திய நீதிபதி ஹேமா கமிஷன் அறிக்கை வெளியாவதற்கு கூட, ஏழு வருடங்களுக்கு முன்பு பார்வதி உள்ளிட்ட பல நடிகைகள் ஒன்று சேர்ந்து துவங்கிய சினிமா பெண்கள் நல அமைப்பு கொடுத்த அழுத்தம் தான் காரணம். இதன் மூலமாக சினிமாவில் பெண்களுக்கான சின்ன சின்ன உரிமைகளையும் பாதுகாப்புகளையும் பெற்று தர முயற்சித்து வருகிறார்.
இந்த நிலையில் சமீபத்தில் அவர் வயநாட்டில் நடைபெற்ற ஒரு கலை நிகழ்ச்சி ஒன்றில் கலந்து கொண்டு பேசியபோது, “படப்பிடிப்பிற்கு செல்லும் போதெல்லாம் அங்கே பெண்களுக்கு போதிய பாத்ரூம் வசதி இல்லாததை கவனிப்பேன். அதனால் நான் பெரும்பாலும் படம் சம்பந்தப்பட்டவர்களிடமும், நடிகர் சங்கத்திலும் கூட முக்கியமான படப்பிடிப்பு தளங்களில் பாத்ரூம் வசதியை நிரந்தரமாக செய்து கொடுக்கலாம் என்று அவ்வப்போது கோரிக்கை வைப்பேன். இதனால் நடிகர் சங்கத்தைச் சேர்ந்த சில நிர்வாகிகளே அதாவது அந்த பொறுப்பு வகிக்கும் சில நடிகர்களே என்னை பாத்ரூம் பார்வதி என்று தான் கிண்டலடிப்பார்களாம். சில படங்களில் பணியாற்றிய போது என்னுடன் நடித்த சக கலைஞர்கள் சொன்னதன் மூலம் இந்த விஷயம் தெரியவந்தது” என்று வருத்தத்துடன் கூறியுள்ளார்.