Dinamalar

9 வயது மூத்த பெண்ணுடன் திருமணம்? கமென்ட் 'ஆப்' செய்த அகில்

தெலுங்கு நடிகர் நாகார்ஜுனா - நடிகை அமலா தம்பதியினரின் ஒரே மகன் அகில் அக்கினேனி. இவரும் தெலுங்குப் படங்களில் கதாநாயகனாக நடித்து வருகிறார். ஆறு படங்களில் கதாநாயகனாக நடித்துவிட்டாலும் இன்னும் குறிப்பிடத்தக்க பெரிய வெற்றியைப் பெறாமல் இருக்கிறார்.

இதனிடையே, நேற்று தன்னுடைய மகன் அகில் திருமண நிச்சயதார்த்தம் பற்றி அதிகாரப்பூர்வமாக அறிவித்தார் நாகார்ஜுனா. ஜைனப் ரவ்ட்ஜி என்ற பெண்ணுடன் அகிலுக்கு நிச்சயதார்த்தம் நடந்து முடிந்துள்ளது. கட்டுமானத் துறையில் பிரபலமாக இருந்து வரும் ஜுல்வி ரவ்ட்ஜி என்பவரது மகள்தான் ஜைனப். 39 வயதாகும் இவர் ஓவியக் கலைஞர். முஸ்லிம் மதத்தைச் சேர்ந்தவர்.

தங்களது திருமணம் குறித்த பதிவை சில புகைப்படங்களுடன் தன்னுடைய சமூக வலைதளங்களில் பதிவிட்டுள்ளார் அகில். இருந்தாலும் அதில் கமெண்ட் பகுதியை தடை செய்துவிட்டார். தன்னை விட 9 வயது மூத்தவர், முஸ்லிம் பெண் என்பதால் தேவையில்லாத கமென்ட்டுகள் வரும் என்பதால் அவர் அதை தடுத்துள்ளதாகத் தெரிகிறது.

நாகார்ஜுனாவுக்கும் அவரது முதல் மனைவி லட்சுமிக்கும் பிறந்த நடிகர் நாக சைதன்யாவின் இரண்டாவது திருமணம் அடுத்த மாதம் நடக்க உள்ள நிலையில், நாகார்ஜுனாவுக்கும் அவரது இரண்டாவது மனைவி அமலாவுக்கும் பிறந்த அகில் திருமண நிச்சயமும் தற்போது நடந்து முடிந்துள்ளது. அகில், ஜைனப் திருமணம் அடுத்த வருடம் நடக்கும் எனத் தெரிகிறது.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  விண்வெளியில் நான்காவது திருமணம் செய்கிறாரா ஹாலிவுட் நடிகர் டாம் குரூஸ்
• 
  அஜித் 64வது படத்தின் அறிவிப்பு எப்போது? : ஆதிக் ரவிச்சந்திரன் தகவல்
• 
  ஓடிடிக்கு வருகிறது லோகா சாப்டர் 1
• 
  டியூட் படத்தில் பிரதீப் பாடிய ‛சிங்காரி' பாடல் வெளியானது
• 
  தனுஷ் படத்தின் நாயகி யார்... நீடிக்கும் குழப்பம்?