Dinamalar

டிசம்பர் 4 நாக சைதன்யா - சோபிதா திருமணம், அழைப்புகள் ஆரம்பம்

மறைந்த நடிகர் நாகேஸ்வரராவ் பேரனும், நடிகர் நாகார்ஜுனாவின் மகனுமான நாக சைதன்யா, 'பொன்னியின் செல்வன்' நடிகை சோபிதா ஆகியோரது திருமணம் டிசம்பர் 4ம் தேதி ஐதராபாத்தில் உள்ள நாகார்ஜுனா குடும்பத்தினருக்குச் சொந்தமான அன்னபூர்ணா ஸ்டுடியோவில் இரவு 8 மணி 13 நிமிடங்களுக்கு நடைபெற உள்ளது.

அதற்கான அழைப்பிதழை இரு குடும்பத்தாரும் உறவினர்களுக்கும், நண்பர்களுக்கும் கொடுக்க ஆரம்பித்துள்ளார்கள். நடிகர் நாகார்ஜுனாவுக்கும், அவரது முதல் மனைவி லட்சுமிக்கும் பிறந்தவர் நாக சைதன்யா. ஆறு வருட திருமண வாழ்க்கையுடன் இருவரும் பிரிந்துவிட்டனர். தன்னுடன் சில படங்களில் நடித்த நடிகை அமலாவை நாகார்ஜுனா காதலித்ததே அதற்குக் காரணம். பின்னர் இருவரும் திருமணம் செய்து கொண்டனர். பிரபல தயாரிப்பாளரான டி ராமாநாயுடுவின் மகள்தான் லட்சுமி. தெலுங்கு நடிகர் வெங்கடேஷின் சகோதரி, 'பாகுபலி' நடிகர் ராணா டகுபட்டியின் அத்தை. அதன்பின் ஷரத் விஜயராகவன் என்பவரைத் திருமணம் செய்து கொண்டார் லட்சுமி.

நாக சைதன்யா, சோபிதா திருமணப் பத்திரிகையில் நாக சைதன்யாவின் அம்மா லட்சுமி அவரது கணவர் சரத், மற்றும் அப்பா நாகார்ஜுனா அவரது மனைவி அமலா ஆகியோர் அழைப்பதாக பத்திரிகை அச்சிடப்பட்டுள்ளது.

நாக சைதன்யா, நடிகை சமந்தா இருவரும் காதலித்து திருமணம் செய்து கொண்டு சில வருடங்கள் ஒன்றாக வாழ்ந்து பின் கருத்து வேறுபாடு காரணமாக பிரிந்துவிட்டனர். தற்போது நாக சைதன்யா இரண்டாவது திருமணம் செய்து கொள்ள உள்ளார்.

• 
  முதல் குழந்தை வீட்டிற்கு வருவதற்கு முன் ஆறு குழந்தைகளை பறிகொடுத்தேன் : ...
• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...

• 
  பூஜா ஹெக்டேவுக்கு என்னதான் ஆச்சு ?
• 
  ரவிக்குமார் இயக்கத்தில் நடிக்கும் சூரி
• 
  பாட்டி மறைவு : அல்லு அர்ஜூன் உருக்கம்
• 
  தெரு நாய் தொடர்பான விவாத நிகழ்ச்சி : மன்னிப்பு கேட்டார் படவா கோபி
• 
  டிசம்பரில் திரைக்கு வரும் வா வாத்தியார்: அதிகாரப்பூர்வ அறிவிப்பு!