Dinamalar

ஹிந்தி பிக்பாஸில் முதல் தமிழ் போட்டியாளராக நுழைந்த சூர்யாவின் கதாநாயகி

ஹிந்தியில் துவங்கிய பிக்பாஸ் நிகழ்ச்சி அதன்பிறகு தெலுங்கு, தமிழ், மலையாளம், கன்னடம் என தென்னிந்திய மொழிகள் அனைத்திலும் ரசிகர்களிடம் மிகப்பெரிய வரவேற்பை பெற்று தொடர்ந்து நடைபெற்று வருகிறது. அந்த வகையில் சமீபத்தில் தமிழில் பிக்பாஸ் சீசன் 8 நிகழ்ச்சி விஜய் சேதுபதி தொகுத்து வழங்க கடந்த ஞாயிறன்று துவங்கியது. அதேபோல ஹிந்தியிலும் பிக்பாஸ் சீசன்-18 நிகழ்ச்சியும் வழக்கம் போல நடிகர் சல்மான் கான் தொகுத்து வழங்க அதே ஞாயிறன்று கோலாகலமாக துவங்கியது. இதில் ஆச்சரியம் என்னவென்றால் முதன்முறையாக ஒரு தமிழ் சினிமா பிரபலம் இந்தி பிக்பாஸ் சீசனில் போட்டியாளராக பங்கேற்று இருப்பது தான். அவர் வேறு யாரும் அல்ல பிரபல நடிகர் தேங்காய் சீனிவாசனின் பேத்தி ஸ்ருதிகா அர்ஜுன் தான்.

தமிழ் சினிமாவில் சூர்யாவுக்கு ஜோடியாக 'ஸ்ரீ' என்கிற படத்தில் கதாநாயகியாக அறிமுகமான இவர் 'ஆல்பம், நள தமயந்தி, தித்திக்குதே' உள்ளிட்ட சில படங்களில் நடித்துள்ளார். ஆனாலும் கடந்த சில வருடங்களில் 'குக் வித் கோமாளி' ரியாலிட்டி ஷோ மூலமாக ரசிகர்களிடம் மிகப்பெரிய அளவில் பிரபலமான இவருக்கு தற்போது ஹிந்தி பிக்பாஸ் சீசனிலேயே கலந்து கொள்ளும் வாய்ப்பு தேடி வந்துள்ளது.

இந்த நிகழ்ச்சியின் துவக்க விழாவில் ஸ்ருதிகா என்ட்ரி கொடுத்த போது அங்குள்ள பார்வையாளர்களை பார்த்து வணக்கம் என தமிழில் கூறியதுடன் நிகழ்ச்சியின் தொகுப்பாளரான சல்மான் கானையும் வணக்கம் தமிழ்நாடு என கூற வைத்தார். ஒரு தமிழ் போட்டியாளராக ஹிந்தி பிக்பாஸில் இவர் எப்படி கலக்குகிறார் என பொறுத்திருந்து பார்ப்போம்.

• செய்திகள்
• வரவிருக்கும் படங்கள்

• செய்திகள்
• வந்த படங்கள்
• வரவிருக்கும் படங்கள்

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  ‛‛2 ஆயிரம் சம்பளம் கேட்டேன், 4 லட்சம் கொடுத்தார் நட்டி'': சிங்கம்புலி ...
• 
  கன்னடத்தில் அதிக வசூல் படங்கள் : இரண்டாம் இடம் பிடித்த 'காந்தாரா சாப்டர் ...
• 
  அடுத்தடுத்து வெளியாகும் கவின் படங்களின் அப்டேட்
• 
  கன்னட பிக்பாஸ் அரங்கு 'சீல்' வைக்கப்பட்டது - அரசு நடவடிக்கை
• 
  பிளாஷ்பேக்: இயக்குநர் துரையின் கலைப்பசிக்கு தீனி போட்ட காவியத் ...