Dinamalar

தேவரா - தனித்து முதல் வசூல் சாதனையை படைத்த ஜுனியர் என்டிஆர்

கொரட்டலா சிவா இயக்கத்தில், அனிருத் இசையமைப்பில், ஜுனியர் என்டிஆர், ஜான்வி கபூர், சைப் அலிகான் மற்றும் பலர் நடிப்பில் நேற்று வெளியான பான் இந்தியா தெலுங்குப் படம் 'தேவரா 1'. இப்படத்திற்கு தெலுங்கு ரசிகர்களிடம் அதிகமான வரவேற்பும், மற்ற மாநிலங்களில் மிகச் சுமாரான வரவேற்பு மட்டுமே கிடைத்துள்ளது. இருப்பினும் தற்போது கிடைத்துள்ள பாக்ஸ் ஆபீஸ் தகவலின் படி முதல் நாள் வசூலாக இப்படம் 100 கோடி வசூலைக் கடந்திருக்கும் என்கிறார்கள்.

தனி கதாநாயகனாக ஜுனியர் என்டிஆர் படைத்துள்ள முதல் வசூல் சாதனை இது. இதற்கு முன்பு அவர் தனி கதாநாயகனாக நடித்து 2018ல் வெளிவந்த வெளிவந்த 'அரவிந்த சமேத வீரராகவா' படம் முதல் நாள் வசூலாக 60 கோடி வசூலித்ததுதான் சாதனையாக இருந்தது. இரண்டு கதாநாயகர்களில் ஒருவராக ராம்சரணுடன் இணைந்து நடித்த 'ஆர்ஆர்ஆர்' படம் முதல் நாள் வசூலாக 200 கோடிக்கும் அதிகமான வசூலித்தது.

இந்த ஆண்டில் வெளியான படங்களில் இந்திய அளவில் அதிக வசூலைக் குவித்த இரண்டாவது படம் என்ற சாதனையையும் படைத்துள்ளதாம். முதலிடத்தில் 'கல்கி 2898 ஏடி' படம் உள்ளது. இதற்கு முன்பு இரண்டாவது இடத்தில் இருந்த 'ஸ்திரீ 2' படத்தின் வசூலான 65 கோடியை இந்தப் படம் கடந்துவிட்டது என்றும் சொல்கிறார்கள்.

இந்தத் தகவல்கள் தெலுங்கு பாக்ஸ் ஆபீஸ் வட்டாரத் தகவல்கள். ஆனால், அவர்கள் யாருமே தமிழில் வெளிவந்த 'தி கோட்' படத்தின் முதல் நாள் உலக வசூலான 126 கோடியைப் பற்றி குறிப்பிடாமல் போவது ஆச்சரியமாக உள்ளது. 'தேவரா 1' அதிகாரப்பூர்வ வசூல் வந்த பிறகுதான் இது பற்றி மேலும் தெரிய வரும்.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்