Dinamalar

ரசிகர்களின் மனதைக் கவர்ந்த 'மனசிலாயோ' மஞ்சு வாரியர்

தனுஷ் நடித்த 'அசுரன்' படம் மூலம் தமிழில் நடிகையாக அறிமுகமானார், மலையாளத் திரையுலகின் சீனியர் கதாநாயகியான மஞ்சு வாரியர். அந்தப் படத்தில் தனுஷ் ஜோடியாக, இரண்டு இளைஞர்களுக்கு அம்மாவாக நடித்து ஆச்சரியப்படுத்தினார். அதன்பின் அஜித் நடித்த 'துணிவு' படத்தில் கதாநாயகியாக நடித்தார்.

தற்போது, ரஜினிகாந்த் நடிக்கும் 'வேட்டையன்' படத்திலும், விஜய் சேதுபதி நடிக்கும் 'விடுதலை 2' படத்திலும் நடித்துள்ளார். 'வேட்டையன்' படத்தின் முதல் சிங்கிளான 'மனசிலாயோ' பாடல் நேற்று முன்தினம் வெளியானது. பாடல் பற்றி சில சர்ச்சைகள் எழுந்தாலும் வழக்கம் போல அனிருத்தின் ரசிகர்கள் பாடல் சூப்பர் என கமெண்ட் செய்து வருகிறார்கள்.

ரஜினிகாந்த் படம், பாடல்கள் என்றாலே அவர் மீதுதான் ரசிகர்களின் பார்வை இருக்கும். அதை 'ஜெயிலர்' படத்தில் இடம் பெற்ற 'காவாலய்யா' பாடல் மாற்றியது. அந்தப் பாடலுக்கு தமன்னா ஆடிய கிளாமர் ஆட்டம், ரஜினியையே ஓரம் கட்ட வைத்தது.

தற்போது வெளியாகியுள்ள 'மனசிலாயோ' பாடலில் எந்தவிதமான கிளாமரும் இல்லாமல், அழகான நடன அசைவுகளுடன் ரசிகர்களின் மனதில் இடம் பிடித்துள்ளார் மஞ்சு வாரியர். 'லிரிக் வீடியோ'வில் அவர் இடம் பெற்றுள்ள சில வினாடி வீடியோக்களிலேயே வசீகரித்தவர், முழு பாடலும் வெளியாகும் போது இன்னும் ரசிக்க வைப்பார் என ரசிகர்கள் எதிர்பார்க்கிறார்கள்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  டிச., 27ல் மலேசியாவில் ‛ஜனநாயகன்' இசை வெளியீடு
• 
  டிசம்பர் 12ல் ரஜினி பிறந்தநாளில் ரீ ரிலீஸ் ஆகும் அண்ணாமலை
• 
  ராஜமவுலிக்கு ஆதரவாக குரல் கொடுத்த ராம் கோபால் வர்மா
• 
  பிரபல எழுத்தாளர் உடன் கைகோர்க்கும் சந்தானம்
• 
  அஞ்சான் படத்தின் நீளத்தை குறைத்த லிங்குசாமி