Dinamalar

'ஹாட்ஸ்பாட்' இரண்டாம் பாகம் தயாராகிறது

தமிழ் சினிமாவில் இது இரண்டாம் பாக சீசன். பெரிய படங்கள் மட்டுமல்ல பல சிறிய பட்ஜெட் படங்களின் இரண்டாம் பாகமும் தயாராகிறது. அந்த வரிசையில் வருகிறது 'ஹாட்ஸ்பாட்' படத்தின் இரண்டாம் பாகம். கடந்த மார்ச் மாதம் வெளிவந்த இந்த படம் நான்கு விதமான காதல்களை அந்தாலஜி பாணியில் சொன்னது. முதன்முறையாக ஆண் விபச்சாரம் என்கிற கதையை அறிமுகப்படுத்தியது. இந்த படத்தில் கலையரசன், சோபியா, சாண்டி, அம்மு அபிராமி, ஜனனி, கவுரிகிஷன் உள்ளிட்ட பலர் நடித்திருந்தனர். விக்னேஷ் கார்த்திக் இயக்கி இருந்தார்.

தற்போது இந்த படத்தின் இரண்டாம் பாகம் அறிவிக்கப்பட்டுள்ளது. இதில் விஷ்ணு விஷால் நடிக்கிறார். அதோடு அவரும் இணை தயாரிப்பாளராகி இருக்கிறார். கே.ஜெ.பி.டாக்கீஸ் பாலமணி மார்பன், செவன் வாரியர்ஸ் பிலிம்ஸ் சுரேஷ்குமார் ஆகியோர் தயாரிக்கிறார்கள்.

படம் குறித்து இயக்குனர் விக்னேஷ் கார்த்திக் கூறும்போது, ''ஹாட்ஸ்பாட் படத்துக்கு பெரிய ஆதரவு கிடைத்தது. ஓடிடியிலும் நன்றாகப் போய்க்கொண்டிருக்கிறது. முதல் பாகத்தைப் போலவே, இரண்டாம் பாகமும் எல்லோரையும் மகிழ்விக்கும். இதில் நடிக்கவுள்ள நடிகர், நடிகைகள் மற்றும் தொழில்நுட்ப கலைஞர்கள் பற்றிய விவரம் விரைவில் அறிவிக்கப்படும்'' என்றார்.

• 
  சொல்லாமல் விலகிய பாலிவுட் நடிகர் மீது 25 கோடி நஷ்ட ஈடு கேட்டு அக்ஷய் குமார் ...
• 
  ''எல்லாமே முதன்முறை... பிகினியும் கூட...'': 'வார் 2' பற்றி கியாரா அத்வானி
• 
  கல்வான் பள்ளத்தாக்கு மோதல் கதையில் உருவாகும் படத்தில் சல்மான் கான்!
• 
  அம்ரிதா பிரிதமின் வாழ்க்கை வரலாற்றில் நடிக்க விரும்பும் நிம்ரத் கவுர்
• 
  வார் 2 படத்தின் முக்கிய அப்டேட்

• 
  ஹாட்ரிக் வெற்றி : மகிழ்ச்சியில் சிம்ரன்
• 
  ஜெயிலர் 2வில் யோகிபாபு
• 
  என்னை கொல்ல சதி நடக்குது: ஜாக்குவார் தங்கம் அலறல்
• 
  இடியாப்ப சிக்கலில் விஜயகாந்த் மகன் திரைப்படம்
• 
  நயன்தாராவுடன் இணையும் படத்திற்காக போட்டோஷூட் நடத்திய சிரஞ்சீவி!