Dinamalar

'கூலி' தாமதம் : லோகேஷ் மீது ரஜினிகாந்த் கோபம் ?

லோகேஷ் கனகராஜ் இயக்கத்தில் ரஜினிகாந்த் நடிக்க உள்ள 'கூலி' படத்தின் படப்பிடிப்பு ஜூன் மாதம் இரண்டாவது வாரத்திலேயே ஆரம்பமாகும் என்று தகவல் வெளியானது. தேர்தல் முடிவுகள் வந்த ஒரு சில நாட்களில் படப்பிடிப்பு நடத்தத் திட்டமிட்டிருந்தார்கள். ஆனால் இதுவரையில் படப்பிடிப்பு ஆரம்பமாகவில்லை.

ரஜினிகாந்த் தான் நடித்து வந்த 'வேட்டையன்' படத்தின் படப்பிடிப்பை அவசரப்படுத்தி முடிக்க வைத்தார். 'கூலி' படத்தின் படப்பிடிப்பில் கலந்து கொள்ளத்தான் அப்படி செய்தார் என்றார்கள். இந்நிலையில் 'கூலி' படப்பிடிப்பு தாமதமாகி வருவது குறித்து ரஜினிகாந்த் தனது வருத்தத்தை சற்றே கோபமாக வெளிப்படுத்தியதாக கோலிவுட் தகவல்கள் தெரிவிக்கின்றன.

இப்படத்திற்கான திரைக்கதையை கடந்த மூன்று மாதங்களுக்கும் மேலாக எழுதி வருகிறார் லோகேஷ். ஆனால், இன்னமும் அதை முடிக்கவில்லையாம். முழு திரைக்கதையையும் படித்துப் பார்க்காமல் வரமாட்டேன் என ரஜினி சொல்லிவிட்டதாகவும் ஒரு தகவல். இன்னும் சில நாட்களில் அதை முடித்துக் கொடுப்பதாக லோகேஷ் தரப்பிலிருந்து சொல்லப்பட்டுள்ளதாம். அதனால், ஜூலை மாதத்தில் படப்பிடிப்பு ஆரம்பமாகும் என்று தெரிகிறது.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்
• 
  டீசலுக்காக படகு ஓட்டவும் மீன்பிடிக்கவும் பயிற்சி எடுத்த ஹரிஷ் கல்யாண்