Dinamalar

மகிமாவை ஏழு வருடம் பிளாக் செய்து வைத்திருந்த உன்னி முகுந்தன்

மலையாள இளம் நடிகர்களில் ஒருவரான உன்னி முகுந்தன் கடந்த சில வருடங்களாகவே தொடர்ந்து ஏறுமுகத்தில் இருந்து வருகிறார். ஒரு தயாரிப்பாளராகவும் மாளிகைப்புரம், மேப்படியான் என ஹிட் படங்களை கொடுத்து நல்ல வசூலையும் அள்ளினார். இந்த நிலையில் அவர் நடித்துள்ள ஜெய் கணேஷ் என்கிற படம் வரும் ஏப்ரல் 11ம் தேதி வெளியாக இருக்கிறது. மலையாள சினிமாவின் பீல் குட் படங்களை இயக்கிய வரும் ரஞ்சித் சங்கர் இந்த படத்தை இயக்கியுள்ளார். கதாநாயகியாக மகிமா நம்பியார் நடித்துள்ளார்.

இதற்கு முன்பாக 7 வருடங்களுக்கு முன் வெளியான மாஸ்டர் பீஸ் என்கிற படத்தில் உன்னி முகுந்தனும், மகிமா நம்பியாரும் இணைந்து நடித்துள்ளனர். அதே சமயம் கடந்த ஏழு வருடங்களாக மகிமா நம்பியாரின் போன் நம்பரை உன்னி முகுந்தன் பிளாக் செய்து வைத்திருந்தார் என்கிற தகவல் மகிமா மூலமாகவே தற்போது வெளியாகி உள்ளது.

அதாவது மகிமாவிற்கு நாய் வளர்ப்பதில் ரொம்பவே ஆர்வம்.. அதேபோல உன்னி முகுந்தனும் விதவிதமான நாய்களை வளர்ப்பதில் ஆர்வம் கொண்டவர். அவரிடம் இருந்து புதிய ரக நாய்க்குட்டிகளை வாங்கலாம் என மாஸ்டர் பீஸ் படத்தின் கதாசிரியர் உதய கிருஷ்ணா மகிமாவிடம் கூறி உன்னி முகுந்தனின் மொபைல் எண்ணையும் கொடுத்துள்ளார். மாஸ்டர் பீஸ் படப்பிடிப்பு தளத்தில் எப்போதும் சீரியஸாக உன்னி முகுந்தன் காணப்படுவதால் அவரிடம் மகிமா அவ்வளவாக பேசியது இல்லை.

அதனால் வாட்ஸ் அப்பில் இந்த நாய்க்குட்டி விவகாரம் குறித்து உன்னி முகுந்தனுக்கு மெசேஜ் அனுப்பிய மகிமா அதில் கதாசிரியர் உதயகிருஷ்ணா குறித்து குறிப்பிடும்போது பலமுறை உதயன் உதயன் என்று குறிப்பிட்டுள்ளார். ஒரு சீனியரை இப்படியா பெயர் சொல்லி அழைப்பது, சரியான அகங்காரம் பிடித்தவராக இருக்கிறாரே என்று மகிமாவின் எண்ணை பிளாக் செய்து விட்டாராம் உன்னி முகுந்தன்.

அதன்பிறகு இந்த ஜெய் கணேஷ் படத்திற்காக இயக்குனர் ரஞ்சித் சங்கர், மகிமாவை நடிக்க வைக்கலாம் என்று கூறியபோது தான் அவரை பிளாக் செய்து வைத்திருந்த ஞாபகமே உன்னி முகுந்தனுக்கு வந்துள்ளது. மேலும் இந்த படத்திற்கு உன்னி முகுந்தன் இணை தயாரிப்பாளர் என்பதால் மகிமாவுடன் பேச வேண்டும் என்பதற்காக அப்போதுதான் அவரது என்னை அன் பிளாக் செய்தாராம் உன்னி முகுந்தன்.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  கேரள அரசு விருதை கட்டி அணைத்தபடி தூங்கிய பிரேமலு நடிகர் : வைரலாகும் ...
• 
  நள்ளிரவில் போன் செய்து கஞ்சா கேட்டார் : மஞ்சும்மேல் பாய்ஸ் நடிகர் மீது ...
• 
  இன்ஸ்டாகிராம் மட்டுமல்ல போன் நம்பரையும் ஹேக் செய்து விட்டார்கள் ; நடிகை ...
• 
  மோகன்லால் மகனின் காதல் கல்யாணியுடன் அல்ல ; பிரபல தயாரிப்பாளர் வெளியிட்ட ...
• 
  நள்ளிரவில் கேரள போலீசாரிடம் ஹோட்டலில் இருந்து குதித்து தப்பிய வில்லன் ...