Dinamalar

‛வணக்கம் இந்தியா, இந்தியன் இஸ் பேக்' : வெளியானது ‛இந்தியன் 2' அறிமுக வீடியோ

1996ல் கமல்ஹாசன் - ஷங்கர் கூட்டணியில் வெளியாகி வரவேற்பை பெற்ற படம் ‛இந்தியன்'. இதன் இரண்டாம் பாகம் இவர்கள் கூட்டணியில் தடைகள் பல கடந்து இப்போது உருவாகி உள்ளது. ரகுல் ப்ரீத் சிங், பிரியா பவானி சங்கர், சித்தார்த், பாபி சிம்ஹா உள்ளிட்ட ஏகப்பட்ட திரை நட்சத்திரங்கள் நடித்துள்ளனர். படம் இறுதிக்கட்டத்தை எட்டி உள்ள நிலையில் இந்த படத்தின் அறிமுக வீடியோவை இன்று(நவ., 3) தமிழ், தெலுங்கு உள்ளிட்ட 5 மொழிகளில் வெளியிட்டுள்ளனர். தமிழில் ரஜினி, தெலுங்கில் ராஜமவுலி, கன்னடத்தில் சுதீப், ஹிந்தியில் அமீர்கான், மலையாளத்தில் மோகன்லால் ஆகியோர் வெளியிட்டனர்.

அதில், இந்தியன் முதல்பாக முடிவில், ‛‛எங்கு தப்பு நடந்தாலும் கண்டிப்பாக நான் வருவேன், இந்தியனுக்கு சாவே கிடையாது...'' என கமல் பேசியிருப்பார். அந்த வீடியோவை இப்போது அறிமுகமாக வெளியிட்டுள்ளனர். அதன்பின் வேலை, கான்ட்ரெக்ட்... என எல்லா இடங்களிலும் லஞ்சம் கேட்பது போன்றும், நாடு முழுக்க இது பரவி இருப்பது போன்றும் காட்சிகள் உள்ளன. இதை எதிர்த்து சித்தார்த், பிரியா பவானி சங்கர் போன்றோர் குரல் கொடுப்பதும், போலீஸ் அடக்குமுறை போன்ற காட்சிகளும் இடம் பெற்றுள்ளன. மேலும் #ComebackIndian எனும் ஹேஷ்டாக் நாடு முழுக்க வைரலாகி இந்தியன் தாத்தாவை மீண்டும் அழைப்பது போன்றும் ஒரு பாடலாக இந்த வீடியோவை வெளியிட்டுள்ளனர். முடிவில் ‛‛வணக்கம் இந்தியா, இந்தியன் இஸ் பேக்'' என கமல் நேதாஜி உடையில் வயதான தோற்றத்தில் திரும்ப வருவது போன்று முடித்துள்ளனர்.

முதல்பாகத்தில் பேசிய அதே லஞ்சம் விஷயத்தை தான் இந்தக் காலக்கட்டத்திற்கு ஏற்றபடி படமாக்கி உள்ளனர் என வீடியோவை பார்க்கும்போது தெரிகிறது. அதேசமயம் வீடியோ முடிவில் வெளியிடப்பட்ட ஒரு போட்டோவில் சுதந்திர காலத்து அல்லது அதற்கு முந்தைய ராணுவ வீரர்கள் போன்று ஒரு குரூப் போட்டோவை வெளியிட்டுள்ளனர். அதை பார்க்கும்போது இதில் சேனாபதி கமலின் இளமைக்கால விஷயங்களும் அடங்கி இருக்கலாம் என தெரிகிறது.

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  அல்லு அர்ஜுன் - அட்லி படத்தில் நெகட்டிவ் ரோலில் ராஷ்மிகா மந்தனா?
• 
  மீண்டும் காப்பி சர்ச்சையில் சிக்கிய அனிருத்!
• 
  வேள்பாரி நாவல்: ஷங்கருக்கு எதிராக வெளியான ட்ரோல்கள்!
• 
  விஜய் சேதுபதி படத்தில் வில்லி வேடத்தில் தபு!
• 
  ஐபிஎல் போட்டி நேரத்திற்கு இணையாக ‛பாகுபலி தி எபிக்' ரன்னிங் டைம்