Dinamalar

'கொலை' நடிகை மீனாட்சி சவுத்ரியை வலை வீசிப் பிடித்த விஜய் 68

தெலுங்கில் மகேஷ் பாபு நடித்த 'ஒக்கடு, போக்கிரி' ஆகிய படங்களை தமிழில் விஜய் ரீமேக் செய்து 'கில்லி, போக்கிரி' என நடித்து பெரிய வெற்றியைப் பெற்றார். விஜய்யின் ஆக்ஷன் படங்களில் அவருக்கு மிகப் பெரிய திருப்புமுனையை ஏற்படுத்திய படங்கள் அவை. தெலுங்கு நடிகரான மகேஷ் பாபுவை நிறையவே பாலோ செய்பவர் விஜய். அந்த பார்முலா விஜய்க்கு தமிழில் நல்ல ஒரு வெற்றியைக் கொடுத்த உதாரணம் இருக்கிறது.

மகேஷ் பாபு தற்போது நடித்து வரும் 'குண்டூர் காரம்' என்ற படத்தில் இரண்டு கதாநாயகிகளில் ஒருவராக மீனாட்சி சவுத்ரி நடித்து வருகிறார். இவர் வேறு யாருமல்ல, கடந்த மாதம் விஜய் ஆண்டனி நடித்து வெளிவந்த 'கொலை' படத்தின் மூலம் தமிழில் அறிமுகமானார். அப்படத்தில் கொலை செய்யப்படும் மாடல் கதாபாத்திரத்தில் நடித்திருந்தார்.

சினிமாவில் அறிமுகமாவதற்கு முன்பு மிஸ் ஐமா 2017, பெமினா மிஸ் இந்தியா 2018, மிஸ் கிராண்டு இன்டர்நேஷனல் 2018 ஆகிய அழகிப் போட்டிகளில் கலந்து கொண்டவர். பின்னர் 2021ல் வெளிவந்த 'இச்சடா வாஹனமுல்லு நிலுபரடு' தெலுங்குப் படம் மூலம் சினிமாவில் அறிமுகமானார். அடுத்து 'கிலாடி, ஹிட் 2' ஆகிய தெலுங்குப் படங்களில் நடித்தார். தமிழில் 'கொலை' படத்திற்குப் பிறகு ஆர்ஜே பாலாஜி நடித்துள்ள 'சிங்கப்பூர் சலூன்' படத்தில் நடித்து முடித்துள்ளார்.

தெலுங்கில் மகேஷ் பாபு ஜோடியாக நடிக்கவே அவரை விஜய் 68 படத்திற்கும் அழைத்து வந்துள்ளார்கள். விஜய் 68 வெளியாவதற்கு முன்பாக 'குண்டூர் காரம்' படம் வெளிவந்துவிடும். அதனால், தெலுங்கிலும் விஜய் 68 படமும் அங்குள்ள ரசிகர்களிடம் எளிதில் சென்று சேரும் என்பது கணக்கு.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  மத்திய அமைச்சர் ராஜ்நாத் சிங்கை சந்தித்து வாழ்த்து பெற்ற அமரன் ...
• 
  எனக்கு கடவுள் நம்பிக்கை அதிகம் - ராஷி கண்ணா
• 
  சூர்யா 45 படத்தில் ‛லப்பர் பந்து' நடிகை
• 
  சிவராஜ் குமாருக்கு பதிலாக விஷால்
• 
  விஜய் மகன் இயக்கும் படத்தில் சந்தீப் கிஷன் : அதிகாரப்பூர்வ அறிவிப்பு