Dinamalar

சசிகுமார் சூரியுடன் பிறந்தநாளை கொண்டாடிய உன்னி முகுந்தன்

மலையாள நடிகர்களான துல்கர் சல்மான், பஹத் பாசிலை தொடர்ந்து அடுத்தடுத்து இளம் நடிகர்கள் சிலர் தமிழ் சினிமா பக்கம் தங்களது கவனத்தை திருப்பி உள்ளனர். அந்த வகையில் நடிகர் உன்னி முகுந்தனும் தற்போது நேரடி தமிழ்ப்படம் ஒன்றில் நடித்து வருகிறார். கடந்த 10 வருடங்களுக்கு முன்பே தனுஷ் உடன் இணைந்து சீடன் என்கிற படத்தில் இவர் நடித்திருந்தாலும் அதன்பிறகு மலையாள திரையுலகில் மட்டுமே கவனம் செலுத்திய இவர் அவ்வப்போது தெலுங்கில் மட்டும் நடித்து வந்தார்.

இந்த நிலையில் கடந்த வருடம் அவர் மலையாளத்தில் நடித்த மாளிகைப்புரம் மற்றும் தெலுங்கில் நடித்த யசோதா ஆகிய படங்கள் தமிழில் வெளியாகி அவருக்கு இங்கே இன்னும் நல்ல அறிமுகத்தை ஏற்படுத்தி உள்ளது. இதனை தொடர்ந்து எதிர்நீச்சல், கொடி ஆகிய படங்களை இயக்கிய துரை செந்தில்குமார் இயக்கத்தில் சூரி கதாநாயகனாக நடித்து வரும் படத்தில் தற்போது முக்கிய கதாபாத்திரத்தில் நடித்து வருகிறார் உன்னி முகுந்தன்.

இந்த படத்தில் இவருடன் நடிகர் சசிகுமாரும் இன்னொரு முக்கிய வேடத்தில் நடிக்கிறார். தற்போது கும்பகோணம் பகுதியில் நடைபெற்று வரும் இந்த படத்தின் படப்பிடிப்பில் சூரி, சசிகுமார் ஆகியோரின் முன்னிலையில் தனது பிறந்தநாளை கொண்டாடி மகிழ்ந்துள்ளார் உன்னி முகுந்தன்.

• 
  போலீசார் மீதான மரியாதை அதிகரித்துள்ளது : திரிதா சவுத்ரி
• 
  நடிகை கியாரா அத்வானிக்கு பெண் குழந்தை பிறந்தது
• 
  எனது முத்தக் காட்சியை எப்படி நீக்கலாம் : பாலிவுட் நடிகை கண்டனம்
• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...

• 
  'மதராஸி' படத்தின் முதல் பாடல் எப்போது?
• 
  அனுஷ்கா உடன் மோதும் ராஷ்மிகா!
• 
  சூர்யாவின் 50வது பிறந்த நாளில் வெளியாகும் 'கருப்பு' படத்தின் டீசர்!
• 
  விஜய் சேதுபதியின் 'தலைவன் தலைவி' டிரைலர் வெளியானது!
• 
  சிவகார்த்திகேயன் - வெங்கட்பிரபு இணையும் படம் அக்டோபரில் தொடங்குகிறது!