Dinamalar

சமுத்திரக்கனியின் 'ப்ரோ' தெலுங்கு டீசருக்கு அதிக வரவேற்பு

தமிழில் இயக்குனர், நடிகர் என வெற்றிகரமாக வலம் வந்து கொண்டிருக்கும் சமுத்திரக்கனி, தெலுங்கிலும் பல படங்களில் பிஸியாக நடித்து வருகிறார். தெலுங்கில் இதற்கு முன்பு 'நாடோடி' படத்தின் ரீமேக்கான 'சம்போ சிவ சம்போ', 'நிமிர்ந்து நில்' படத்தின் ரீமேக்கான 'ஜண்ட பை கபிராஜு' ஆகிய படங்களை இயக்கியிருந்தார். நீண்ட இடைவெளிக்குப் பின் தற்போது 'ப்ரோ' என்ற படத்தை இயக்கி வருகிறார். இந்தப் படம் சமுத்திரக்கனி இயக்கம் நடிப்பில் 2021ல் ஓடிடி தளத்தில் வெளியான 'விநோதய சித்தம்' படத்தின் தெலுங்கு ரீமேக்.

தமிழில் சமுத்திரக்கனி நடித்த கடவுள் கதாபாத்திரத்தில் தெலுங்கில் பவன் கல்யாண் நடிக்க, தம்பி ராமையா கதாபாத்திரத்தை சிறிது மாற்றி அதில் சாய் தரம் தேஜ் நடிக்க, கடந்த பிப்ரவரி மாதம் படப்பிடிப்பு ஆரம்பமானது. குறுகிய கால தயாரிப்பாக விறுவிறுப்பாக நடந்து முடிந்த இப்படம் ஜுலை மாதம் 28ம் தேதி வெளியாக உள்ளது. நேற்று இப்படத்தின் டீசரை வெளியிட்டுள்ளார்கள். அதற்கு ரசிகர்களிடம் நல்ல வரவேற்பு கிடைத்துள்ளது. நேற்று மாலை வெளியான டீசருக்கு அதற்குள்ளாக 1.15 கோடி பார்வைகள் கிடைத்துள்ளது. டீசருக்கு தெலுங்கு சினிமா ரசிகர்கள் பாராட்டுக்களைத் தெரிவித்து வருகிறார்கள்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  டிச., 27ல் மலேசியாவில் ‛ஜனநாயகன்' இசை வெளியீடு
• 
  டிசம்பர் 12ல் ரஜினி பிறந்தநாளில் ரீ ரிலீஸ் ஆகும் அண்ணாமலை
• 
  ராஜமவுலிக்கு ஆதரவாக குரல் கொடுத்த ராம் கோபால் வர்மா
• 
  பிரபல எழுத்தாளர் உடன் கைகோர்க்கும் சந்தானம்
• 
  அஞ்சான் படத்தின் நீளத்தை குறைத்த லிங்குசாமி