Dinamalar

விஜய்யின் அடுத்த நகர்வு

நடிகர் விஜய் தற்போது இயக்குனர் லோகேஷ் கனகராஜ் இயக்கத்தில் லியோ படத்தில் நடித்து வருகிறார். த்ரிஷா, சஞ்சய் தத், அர்ஜூன், கவுதம் மேனன் உள்ளிட்ட ஏகப்பட்ட நட்சத்திரங்கள் நடித்து வருகின்றனர். இதன் படப்பிடிப்பு இறுதிக்கட்டத்தை எட்டி வருகிறது. இதையடுத்து வெங்கட் பிரபு இயக்கத்தில் தனது 68வது படத்தில் நடிக்கிறார் விஜய். இதை ஏ.ஜி.எஸ் நிறுவனம் தயாரிக்கிறது என்று அதிகாரப்பூர்வமாக நேற்று அறிவித்தனர். யுவன் ஷங்கர் ராஜா இசையமைக்கிறார். 20 ஆண்டுகளுக்கு பின் விஜய்யின் படத்திற்கு இசையமைக்கிறார் யுவன்.

இந்தப்படம் எந்தமாதிரியான கதையில் உருவாகும் என்று ரசிகர்கள் ஆர்வமாக எதிர்பார்க்கின்றனர். இது குறித்து தகவல் வெளியாகியுள்ளது. இப்படம் ஒரு முழு நீள அரசியல் படமாக உருவாகிறது என்று கூறப்படுகிறது. இந்த படத்தை முடித்தவுடன் அடுத்த 6 மாதங்கள் விஜய் சினிமாவை விட்டு விலகி அரசியலில் களமிறங்குகிறார் என்கிறார்கள். சமீபகாலமாக விஜய் அரசியல் தொடர்பான விஷயங்களில் தீவிரம் காட்டுகிறார். முக்கிய தலைவர்களின் பிறந்தநாளில் அவர்களது சிலைக்கு மாவட்டம் தோறும் அவரது மக்கள் இயக்கத்தினர் மாலை அணிவித்து மரியாதை செலுத்தி வருகின்றனர். அடுத்தாண்டு பார்லிமென்ட் தேர்தல் வருவதால் அதை நகர்த்தி விஜய் அரசியல் பணிகளில் இறங்குகிறார் என கூறப்படுகிறது.

• 
  போலீசார் மீதான மரியாதை அதிகரித்துள்ளது : திரிதா சவுத்ரி
• 
  நடிகை கியாரா அத்வானிக்கு பெண் குழந்தை பிறந்தது
• 
  எனது முத்தக் காட்சியை எப்படி நீக்கலாம் : பாலிவுட் நடிகை கண்டனம்
• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...

• 
  'மதராஸி' படத்தின் முதல் பாடல் எப்போது?
• 
  அனுஷ்கா உடன் மோதும் ராஷ்மிகா!
• 
  சூர்யாவின் 50வது பிறந்த நாளில் வெளியாகும் 'கருப்பு' படத்தின் டீசர்!
• 
  விஜய் சேதுபதியின் 'தலைவன் தலைவி' டிரைலர் வெளியானது!
• 
  சிவகார்த்திகேயன் - வெங்கட்பிரபு இணையும் படம் அக்டோபரில் தொடங்குகிறது!