Dinamalar

கேம் சேஞ்சர் படத்திற்கு ஷங்கரின் முதல் சாய்ஸ் பவன் கல்யாண் தான் : தில் ராஜு

இயக்குனர் ஷங்கர் தனது திரையுலக பயணத்தில் 30 ஆண்டுகளை வெற்றிகரமாக கடந்து விட்டார். அதிலும் தற்போது ஒரு புதிய அனுபவமாக தமிழில் இந்தியன் 2 மற்றும் தெலுங்கில் ராம்சரண் நடிப்பில் உருவாகி வரும் கேம் சேஞ்சர் என இரண்டு படங்களை ஒரே சமயத்தில் மாறி மாறி இயக்கி வருகிறார். இதில் இந்தியன் 2 படம் கொரோனா காலகட்டத்தில், சில காரணங்களால் மேற்கொண்டு நகாராமல் தடைப்பட்டு நின்றபோது, தெலுங்கில் படம் இயக்க முடிவு எடுத்து ராம்சரண் படத்தை ஆரம்பித்தார் ஷங்கர். இந்த படத்தை தெலுங்கு திரையுலகின் பிரபல தயாரிப்பாளர் தில் ராஜு தயாரித்து வருகிறார்.

பொதுவாகவே தயாரிப்பாளர்களை பொருத்தவரை தில் ராஜு ரசிகர்களிடம் நெருங்கி பழக முயற்சிப்பவர். பிரபல ஹீரோக்களின் படங்களை தயாரிக்கும்போது அப்டேட்டுகளை அள்ளி கொடுப்பவர். அந்த வகையில் தற்போது தனது சோசியல் மீடியா பக்கத்தில் ரசிகர்களின் கேள்விகளுக்கு பதில் அளித்து உரையாடியபோது, தற்போது ராம்சரண் நடித்து வரும் கேம் சேஞ்சர் படத்திற்கு முதலில் கதாநாயகனாக முடிவு செய்யப்பட்டவர் பவன் கல்யாண் தான் என்கிற தகவலை தெரியப்படுத்தியுள்ளார் தில் ராஜு.

இயக்குனர் ஷங்கர் இந்த கதையை தன்னிடம் கொண்டு வந்தபோது, இது பவன் கல்யாணை வைத்து பண்ண வேண்டிய படம் என்றுதான் வந்தாராம். ஆனால் கிட்டத்தட்ட முக்கால் மணி நேரம் அவர் சொன்ன கதையை கேட்டுவிட்டு இதற்கு ராம்சரண் தான் மிக பொருத்தமாக இருப்பார் என ஷங்கரிடம் கூறி அவரை கன்வின்ஸ் செய்ததாக ஒரு புதிய தகவலை கூறியுள்ளார் தில் ராஜு.

• 
  ஹிந்தி பட வசூலில் நம்பர் 1 சாதனை புரிந்த 'ஸ்திரீ 2'
• 
  'எமர்ஜென்சி' விவகாரம் : கங்கனாவிற்கு நீதிமன்றம் நோட்டீஸ்
• 
  'லவ் அண்ட் வார்' ரிலீஸ் தேதி அறிவிப்பு: 2 வருடங்களுக்கு பிறகு ...
• 
  திருமண மோதிரம் 'மிஸ்ஸிங்' : மீண்டும் பிரிவு சர்ச்சையில் ஐஸ்வர்யா ராய்
• 
  என் தந்தையே எனது மிகப்பெரிய விமர்சகர் : பாடகி டூ நடிகை த்வானி பனுஷாலி ...

• 
  மனைவியை விட்டுச் செல்பவன் நல்ல மனிதன் அல்ல - குஷ்பு பதிவு வைரல்
• 
  ஹேமா கமிட்டி ஒரு ‛கேம் சேஞ்சர்' : சம்யுக்தா மேனன்
• 
  நடிகை பார்வதி நாயர் மீது வழக்குப்பதிவு: எதற்காக தெரியுமா?
• 
  தேவரா 1 - ஆறு காட்சிகள், கூடுதல் கட்டண உயர்வு - அரசு ஆணை
• 
  ‛குட் பேட் அக்லி' படத்தில் இணைந்த அர்ஜுன் தாஸ்