Dinamalar

ஒரு வருடத்தைக் கடந்த 'எகே 62' அறிவிப்பு : புதிய அறிவிப்பு எப்போது வரும் ?

லைக்கா புரொடக்ஷன்ஸ் தயாரிப்பில், விக்னேஷ் சிவன் இயக்கத்தில், அனிருத் இசையமைக்க அஜித் நடிக்கும் 62வது படம் தயாராகும் என கடந்த வருடம் மார்ச் 18ம் தேதி அதிகாரப்பூர்வ அறிவிப்பை வெளியிட்டது லைக்கா நிறுவனம். அந்த அறிவிப்பு வெளியாகி ஒரு வருடத்தைக் கடந்துவிட்டது.

அந்தப் படத்தை விக்னேஷ் சிவன் இயக்கப் போவதில்லை என்பது ரசிகர்கள் அனைவருக்கும் தெரிந்த ஒன்றுதான். ஆனால், லைக்கா நிறுவனம் அதை இன்னும் அதிகாரப்பூர்வமாக அறிவிக்கவில்லை. 'எகே 62' படத்தை இயக்கப்போவது மகிழ் திருமேனி என செய்திகள் வெளிவந்து சில வாரங்கள் ஆகிவிட்டன. இருப்பினும் அதற்கான அதிகாரப்பூர்வ அறிவிப்பைக் கூட இன்னும் வெளியிடாமல் உள்ளார்கள்.

அஜித் போன்ற முன்னணி நடிகர் ஒருவர் நடிக்கப் போகும் ஒரு படத்தின் அறிவிப்பு வெளியாகி ஒரு வருடம் போன பின்பும் அது பற்றிய தெளிவான ஒரு அறிவிப்பு வெளிவராமல் இருப்பது ஆச்சரியம்தான். விஜய் நடித்த 'வாரிசு', அஜித் நடித்த 'துணிவு' ஆகிய படங்கள் ஒரே நாளில் வெளிவந்தது. விஜய்யின் அடுத்த படமான 'லியோ' படத்தின் படப்பிடிப்பு ஏறக்குறைய கடைசி கட்டத்திற்கு வந்துவிட்டது. அதே சமயம் அஜித்தின் அடுத்த பட அறிவிப்பிலேயே இவ்வளவு குழப்பம் நீடித்து வருவது அஜித் ரசிகர்களை வருத்தத்தில் ஆழ்த்தியுள்ளது.

• 
  வாடகை வீட்டில் வசிப்பது ஏன் ? பாலிவுட் நடிகர் அனுபம் கெர் ஆச்சரிய விளக்கம்
• 
  வார்-2வில் ஹிருத்திக் ரோஷனை விட அதிக சம்பளம் யாருக்குத் தெரியுமா?
• 
  வார் 2 படத்திற்காக மீண்டும் சிக்ஸ்பேக்கிற்கு மாறிய ஜூனியர் என்டிஆர்
• 
  250 கோடி வசூலைக் கடந்த 'சாயரா'
• 
  வார் 2 டிரைலர் : 24 மணி நேரத்தில் 50 மில்லியன் பார்வைகள்

• 
  மதராஸி ‛கம்பேக்' கொடுக்கும் படமாக இருக்கும் என்கிறார் ஏ.ஆர்.முருகதாஸ்
• 
  'ஏஸ்' தோல்வியிலிருந்து ஏறி வந்த விஜய் சேதுபதி
• 
  ரசிகர்களை அதிர்ச்சியடைய வைத்த மாதம்பட்டி ரங்கராஜ் இரண்டாவது திருமணம்
• 
  அஜித்தை வைத்து ஆக்ஷன் படம் இயக்க லோகேஷ் கனகராஜ் ஆசை
• 
  ராஷ்மிகாவின் மைசா படப்பிடிப்பு பூஜையுடன் தொடங்கியது